ئاژانسا خانی، تایبەت
رێڤەبەرێ ئۆفیسا دھۆک یا کۆمیسۆنا بلند یا سەربەخۆیا ھەلبژارتنان ل عێراقی ئاشکەراکر؛ بنگەھەکێ پەێوەندیان بۆ بەلاڤکرنا کارتیێن دەنگدانێ ل پارێزگەھا دھۆکێ ھاتیە ڤەکرن رۆژانە پەیوەندی ب ھندەک کەسان دھێتە کرن دا بھێن کارتێن خوه یێن دەنگدانێ ژ كۆمیسونێ وەربگرن.
خالد عەباس، رێڤەبەرێ ئۆفیسا دھۆک یا کۆمیسۆنا بلند یا سەربەخۆیا ھەلبژارتنان ل عێراقی بۆ ئاژانسا خانی گوت: روونشتن دگەل ھەموو لایەنیێن سیاسی یێن بەشدار د ھەلبژارتنێن پەرلەمانێ عێراقی دا ھێنە ئەنجامدان و دگەل رێکخراو و ئێكه‌تیێن ئافره‌تان و دام و دەزگەھان دێ روونشتن ھێنە کرن بۆ ھاندانا وەلاتیان بۆ وەرگرتنا کارتێن دەنگدانێ.
ناڤھاتی گۆت ژی: ١٣٠ ھزار کەسان تا نها کارتێن خوه یێن دەنگدانێ وەرنەگرتینە، ھیڤدارین وەلاتی قەستا بنگەھێن دەنگدانێ بکەن بۆ وەرگرتنا کارتێن خوه یێن دەنگدانێ ھەر دەنگدەرکێ خوه تۆمارکربیت د سیستەمێ بایۆمەتری دا د شێت کارتا خوه وەربگریت.
