دکتۆر مەحموود عوسمان: باشترە ھەلبژارتنێن عێراقێ بھێنە پاشخستن

پەرلەمانێ عێراقێ بزاڤێن پاشخستنا ھەلبژارتنان دکەت ھەتا مووچێ وان بەردەوامبیت

ئاژانسا خانی: تایبەت
دکتۆر مەحموود عوسمان، سیاسەتمەدارێ کورد بۆ ئاژانسا خانی دیارکر” بایکۆتا سەدر دێ کاریگەری ل سەر ھەلبژارتنێن عێراقێ ھەبیت، بەلێ ھندەک لایەنێن دیژی ھەنە دخوازن ھەلبژارتنێن عێراقێ بھێنە پاشخستن، ب تایبەتی پەرلەمان دگەل پاشخستنا ھەلبژارتنانە، چونکى ئەندامێن پەرلەمانێ عێراقێ دخوازن ھەتا سالەکا دیژی ل جھێ خۆ بمینن و مووچەی وەرگرن، لەوڕا ھەر دو ئەگەر ھەنە ھەم ھەلبژارتن بھێنەکرن و ھەمژی بھێنە پاشخستن بۆ نیسانا سالا داھاتی، لایەنێن شیعی و ئیران بزاڤان دکەن سەدر پشکداریێ د ھەلبژارتنان بکەت.
ئەڤی سیاسەتمەدارێ کورد ئاماژەکر” بدیتنا من ھەلبژارتن بھێنە پاشخستن باشترە، چونکى بڕیارا سیاسی د دەستێ ھندەک لایەنێن عێراقی و میلیشیا دانه‌، چەندین پێنگاڤ ھەنە نەھاتینە ھاڤێتن ژوان ژی سزادانا وان کەسێن تۆمەتبارن ب کوشتنا خۆپیشاندەرێن عێراقێ.
ل دۆر کاریگەریێن پاشخستنا ھەلبژارتنان ل سەر رەوشا عێراقێ دکتۆر مەحموود عوسمان گۆت ” ئاریشا سەرەکییا عێراقێ ھەلبژارتن نینە، بەلکۆ ئاریشا سەرەکییا عێراقێ ھەبوونا میلیشیاتێن شیعە و دەستێ ئیرانێ یە د کارۆبارێن عێراقێ دا.
دکتۆر مەحموود عوسمان دبێژیت” پێدڤیە کورد ئێکگرتی بن ل دەڤەرێن کوردستانی و دەنگێن کوردا بەلاڤ نەبن، ھەردەنگە ئالۆزیەکا ل عێراقێ پەیدابیت ھەرێما کوردستانێ ناگریت، چونکى رەوشا ھەرێما کوردستانێ یا سەقامگیرە و کوردستان دگەل دەڤەرێن دی یێن عێراقێ ناھێتە ھەڤبەرکرن.