ئاژانسا خانی، سەعد عاسف خالد عەباس، رێڤەبەرێ ئۆفیسا دهۆک یا کۆمسیۆنا هەلبژارتنێن ئیراقێ تایبەت بۆ ئاژانسا خانی گۆت، ژبۆ خوه ئامادەکرن بۆ هەلبژارتنان ئەڤرۆ ئۆفیسا وان رابوویە تێستکرنا ئامیرێن دەنگدانێ و کارمەندێن وان وەکی دەنگدەر تێدا پشکداربوون.
خالد عباس گۆت ژی، ل حەفتییا بۆری تا نوکە نزیکی 100 هزار کارتێن بایومەتری گەهشتینە پارێزگەها دهۆکێ کو یێن سالێن 2018 و 2019 و 2020 و 2021 تا مەها 5 ئەو کەسێن ل ڤان سالان خو تومارکری دڤێت سەرەدانا بنگەهێن دەنگدانێ بکەن بۆ وەرگرتنا کارتێن خوە یێن بایۆمەتری ڕێژا بەلاڤکرنا کارتان ژی بوویە 80%.
ناڤبری دیارکرژی، ل سنورێ پارێزگەها دهۆکێ ئۆفیسا وان پێتڤی ب 11 هزار کارمەندان هەیە بۆ سەر سندۆقێن دەنگدانێ کو 36 هزار کەسان ب شێوێ ئۆنلاین ناڤێ خوە نڤیسیە، و 23 هزار ژ وانا فورمێن خوە گەهاندینە بنگەهێن وان کو یا پێتڤی بوو هەمی فورمێن خوە ببەن، و ئەو پێشبینی دکەن بۆ سەرێ ڤێ مەهێ تیرۆپشک بهێتە کرن بۆ وان کەسان و ل دەستپێکا مەهێ دێ خولا راهێنانێ بۆ وان کەسان هێتە ڤەکرن.
