ب ناڤێ خودایێ مه‌زن و دلۆڤان:
33 سالان به‌رییا نها رژێما به‌عس ل ئیراقێ د داوی قۆناغا ئه‌نفالان دا ب سه‌دان هزاران هێزێن پرچه‌ك ل دژی ئاكنجیێن بێتاوان یێن به‌هدینان بكارئینا كو زنجیره‌كه ژ تاوان و كاره‌ساتان بوو یێن د سه‌ده‌یێن بووری دا ل دژی بزاڤێن گه‌لێ كورد هاتینه كرن ل بارزان، گه‌رمیان، هه‌له‌بچه و هه‌موو كوردستانێ.
دوژمنێن گه‌لێ كورد ل به‌رچاڤێ هه‌موو جیهانێ پێشكه‌فتیترین چه‌ك و پیسترین سیاسه‌ت بۆ ژ ناڤبرنا گه‌لێ كورد بكارئینا، لێ گه‌لێ كورد خودان ئیراده و قه‌زییه‌كا ڕه‌وا بوو و خوه ل هه‌مبه‌ر جینۆساید و كۆمكوژییان به‌رنه‌دا، دوژمن و تاوانبار ژی چوون د زبلدانا دیرۆكێ دا كو ئه‌ڤه وانه‌یه‌كا پر ب رامانه هه‌م بۆ بزاڤێن گه‌لێ مه و نه‌یارێن گه‌لێ كورد.
د سالڤه‌گه‌را ئه‌نفالا به‌هدینان دا سلاڤ بۆ گیانێ پاقژێ شه‌هید و ئه‌نفالكرییان و دوپاتییێ ل مافێن ره‌وا یێن گه‌لێ خوه دكه‌ین و پێ>ڤییه ده‌وله‌تا ئیراقێ قه‌ره‌بوویا جینۆسای و وان تاوانێن زولم بكه‌ت یێن د ده‌رهه‌قا ملله‌تێ مه‌دا هاتینه كرن.
مه‌سعود بارزانی
25 ئابێ
