سه‌رۆكێ هه‌رێما كوردستانێ ب هه‌لكه‌فتا 33 سالییا ئه‌نفالا به‌هدینان راگه‌هاند؛ دێ د رژدبین كو حكومه‌تا ئیراقێ قه‌ره‌بوویا قوربانییان بده‌ت و ل هه‌رێمێ ژی دێ خزمه‌ته‌كا زێده‌تر بۆ كه‌سوكارێن شه‌هیدان كه‌ین.
نێچیرڤان باروانی ب هه‌لكه‌فتا 33 سالییا ئه‌نفالا به‌هدینان د په‌یامه‌كێ دا راگه‌هاند؛ ب رێز و سه‌ربلندی ڤه شه‌هیدێن ڤێ ئه‌نفالێ ل بیر دئینین كو نیشانا بن ده‌ستیێ و ئاشتیخوازییا گه‌له‌كی یه و تاوانبارێن ئه‌نفالێ ب دڕنده‌یی ئه‌و تاوانه ژ گه‌رمیان تا به‌هدینان 182 هزار وه‌لاتیێ، كورد به‌ره‌ف بیابانان برن و بێی جوداهی هه‌موو مزگه‌فت، دێر و ژینگه‌هـ و حال و مالێن وان خرابكرن و سۆتن.
دیار ژی كر، ل بیرئینانا ئه‌ڤان شه‌هیدان و ره‌نج و قوربانیێن گه‌لێ كورد مه پالدده‌ت قۆناغێن دژوار یێن نها ژی ده‌ربازبكه‌ین بۆ پاشه‌رۆژه‌كا باشتر بۆ هه‌موو پێكهاته‌یێن كوردستانێ و ئێكرێزیێ پترلێ بكه‌ین و پێدڤییه دادگه‌ها بلند یا تاوانێن ئیراقێ قه‌ره‌بوویا قوربانییان بكه‌ت و ل هه‌رێما كوردستانێ ژی دێ خزمه‌ته‌كا مه‌زنتر بۆ كه‌سوكارێن شه‌هیدان كه‌ین و پێدڤییه ب رژدی كار بۆ دۆكیۆمێنتكرنا تاوانێن وان و ل سه‌ر ئاستێ ناڤده‌وله‌تی ب جینۆساید بهێت ناساندن.
سه‌رۆكێ هه‌رێمێ د تمامییا په‌یاما خوه دا سوپاسییا خه‌لكێ جوامێرێ هه‌ولێر و به‌حركێ كر كو ب هه‌وارا لێقه‌ومایێن ئه‌نفالا به‌هدینان هاتن.
