نوونه‌را سكرتێرا نه‌ته‌وه‌یێن ئێكگرتی داخواز ژ ئیراقییان كر، بایكۆتا هه‌لبژارتنێن پێشوه‌خت نه‌كه‌ن و ئه‌و ل دژی پاشخستنا هه‌لبژارتنا یه
جینین بیلاسخارت، د كۆمبوونا دوهی یا جڤاتا ئاسایشا نه‌توه‌یێن ئێكگرتی دا راپۆررتا خوه ل دۆر ره‌وشا ئیراقێ و تێدا دیاركربوو، بایكۆتكرنا ده‌نگدانێ د به‌رژه‌وه‌ندییا خه‌لكێ ئیراقێ دا نابیت و داخواز ژ ده‌نگده‌رێن ئیراقی كر، هه‌موو د پرۆسا هه‌لبژارتنان دا پشكدار بن ژبه‌ركو ئه‌گه‌ر پشكدارنه‌بن دبیت حكومه‌ته‌ك بهێـه پێكئینان ب دلێ بایكۆتكاران نه‌بیت ژبه‌ركو خوه ژ پرۆسێ ده‌ردئێخن.
بیلاسخارتێ دیاركرییه، خه‌لكێ ئیراقێ گروپه‌كێ ئێك ده‌نگ و ئێك ره‌نگ نینن، ئیراق كۆمه‌لگه‌هه‌كا مه‌زنه كو زمان و ئاینێن جودا تێدانه و دیتن و بوچوونێن وان جودا نه و ب ده‌نگ نه‌دانێ، تو ده‌نگێ خوه دكه‌یه دیاری بۆ ئه‌و كه‌سێن نه‌دگه‌ل بوچوونا ته.
هه‌روه‌سا داخواز ژ هنارتییا نه‌ته‌وه‌یێن ئێكگرتی یۆنامی كر هه‌موو بزاڤان بكه‌ن و هاریكاریێن ته‌كنیكی پێشكێشی كۆمسیۆنا بلندا هه‌لبژارتنان بكه‌ن.
