سەرۆک بارزانی د رێوڕەسمێن دەستپێکرنا بانگه‌شه‌یا پارتی بۆ هەلبژارتنێن ئیراقێ راگەهاند، مه دڤێت ل سەر بنه‌مایێ هه‌ڤپشكی و تێگەهشتنێ کێشە ل گەل بەغدا بهێنه چاره‌كرن، سەرەکیترین کێشەیا مه ل گەل بەغدا نەبوونا هه‌ڤپشكییا راستەقینەیە.
ئەڤرۆ شەمبییێ 11 ئیلۆنا 2021 سەرۆک مەسعود بارزانی گوتاره‌ك د رێورەسمێن دەستپێکرنا بانگەشەیا پارتی دیموکراتی کوردستان بۆ هەلبژارتنێن پەرلەمانێ ئیراقێ پێشکێشکر و راگەهاند؛ مه گه‌له‌ك تێبینی ل سەر قانوونا هەلبژارتن و دابەشکرنا کورسیێن پارێزگه‌هان هەبوو کو چ دادپەروەریی تێدا نەبوو و ل سەر چ بنەمایێن راست نینە، چونکی سەرژمێری نەهاتییه كرن، بەلێ ژبەر بەرژەوەندییا گشتی و بۆ هندێ سەنگێ پارتی بپارێزین مه بڕیار دا پشكداریێ د هەلبژارتنان دا بکەین.
سه‌رۆك بارزانی ده‌رباره‌يى پاشه‌رۆژێ کو هندەک کەسان دودلی هەیە گۆت: راسته خه‌لكەک هەیە ژ پاشه‌ڕۆژێ دلگرانه و دودله، به‌لێ ئه‌م ملله‌ته‌كين مه ئيراده هه‌يه و ئه‌م دزانين چ دكه‌ين و خه‌لكێ دی چه‌وا بۆ خوه تێبگه‌هیت بكه‌یفا خوه‌نه ژبه‌ركو ئه‌و ملله‌تێ ئيراده نه‌يى ژ پاشه‌رۆژا خۆ دلگران دبيت، ، ده‌رباره‌يى سازيێن هه‌رێما كوردستانێ ژى گۆت: 30 حكومه‌تێ سالن كێماسى هه‌بووينه ، لێ گه‌له‌ك كارێن باش ژى كرینه و ئه‌وێن داخوازا گوهۆڕينێ دكه‌ن كاره‌كى باشه، لێ دڤێت پێگهۆر و به‌دائیلێن باشتر هه‌بن تاكو گوهۆرین بهێن كرن و پێدڤییه پێكڤه كێماسيان نه‌هێلين و باشتر بكه‌ين و مه‌حاله دوژمن كوردستانێ داگیر بكه‌ت.
بارزانى به‌حس ل په‌يوه‌نديیه‌كا خۆ و جۆبايدنی، سه‌رۆكێ نوكه يێ ئه‌مريكا و جێگرێ پێشتر يێ باراك ئۆباما سه‌رۆكێ ئه‌مريكا ل سەردەمێ هێرشا داعشێ دكه‌ت و دبێژيت: ل ده‌ما شه‌ڕێ داعشێ جۆبايدن په‌يوه‌ندى ب من کر و گۆت: ئه‌گه‌ر هاريكاريان بۆ هه‌وه ره‌وانه بكه‌ين، دێ شێن به‌ره‌ڤانيێ كه‌ن؟ ئەگەر نە، دێ کۆنسولخانەیا خۆ ل هەولێرێ ڤەکێشین، بارزانى دبێژيت: من ب ڤى ئاوايى به‌رسڤا جۆبايدن دا ” جه‌نابێ سه‌رۆك هوين پشتەڤانیێ بکەن یان نە، يان ژى نه‌كه‌ن، ئه‌م دێ هەر به‌رڤانيێ ژ خۆ كه‌ين، لێ ئه‌گه‌ر هوين هاريكاريێ بكه‌ن دێ قوربانىدان كێمتر بيت.
هه‌روه‌سا گۆت: پارتى دارا به‌ڕيێ يه و ب سۆتن و بڕينێ ژ ناڤ ناچيت و ئه‌وێن خۆ حازر كرين كو پارتى نه‌مينيت بلا خۆ زه‌حمه‌ت نه‌ده‌و و وێ رۆژێ نابينن و پارتى ژ ناڤ ناچيت و دوپاتكر، هه‌تا پارتى مايه دێ د خزمه‌تا كورد و كوردستانێ دا بيت.
