خەیری عەلی ئۆسو، رێڤەبەرێ گشتي یێ گەشتوگۆزارا پارێزگەها دهۆکێ راگەهاند؛ بۆ ئێکەم جارە پارێزگەها دهۆکێ دێ ڕۆژا جیهانییا گەشتوگۆزارێ پێشانگەهەکێ نیشان دەت ب هاریکارییا پارێزگارێ دهۆکێ و وەزیرێ باژێرڤانی و گەشتوگۆزارێ و سەرۆکا دەستەیا گەشتوگۆزارێ ل حکومەتا هەرێما کوردستانێ و ب ئامادەبوونا وان هەرسێیان دێ ئەڤ پێشانگەهە هێتە نیشاندان و بۆ دەمێ سێ ڕۆژان دێ یا بەردەوام بیت.
خەیری عەلی گۆت ژی، داخازنامە دێ بۆ چەندین کۆنسلخانەیا هێنە هنارتن دا کو پشکداریێ د ڤێ پێشانگەهێ دا بکەن، و گەلەک کۆمپانی و ئۆتێل و مۆتێل ل هەرێم و ئیراقێ دێ پشکداربن.
ناڤبری گۆتژی، ب ڤێ هەلکەفتێ چەندین لژنە ل ئاکرێ و ئامێدیێ و زاخۆ ل سەرانسەری پارێزگەها دهۆکێ هاتینه دانان، دا کو ب شێوەیەکێ گەلەک باش ئەڤ پێشانگەهە ب رێڤە بچیت.
ل داویێ ژی راگەهاند، د ئەڤ سالەدا نزیکی 300 هزار گەشتیاران سەرەدانا پارێزگەها دهۆکێ کریه و دناڤ وان دا ل هەیڤا 7 زۆرترین رێژا گەشتیاران هاتبوون کو هژمارا وان نزیکی 60هزار گەشتیاران بوون.
ئاژانسا خانی، سەعد عاسف
