ب ئامادەبوونا ” ماجد سەید سالح ” جێگرێ پارێزگارێ دهۆکێ بۆ کاروبارێن تەکنیکی ب وەکالەت و ب بەرهەڤبوونا چەند سازیێن حکومی و نە حکومی، ئەڤرۆ رۆژا چارشەمبی ل رێکەفتی ٢٠٢١/٩/٢٢ ورك شوپەك ژلایێ رێکخراوا giz یا ئەلمانی ب هەفکاری دگەل رێکخراوا هاریکار ب پشتەڤانییا دارایی یا وەزارەتا دەرڤەیا فرەنسا، هەروەسا ب هەماهەنگییا رێڤەبەریێن ئاڤا دهۆك و دەوروبەران لدۆر خراب بکارئینانا ئاڤێ و پالپشتیا پروژێ کەمپینا پاراستنا ئاڤێ ل پارێزگەهێن دهۆك نەینەوا هاتە پێشکێشکرن
جێگرێ پارێزگاری د گوتارەكێ دا باس ل چەندین خالێن گرنگ کر وەکو:
رەوشا گەهاندنا ئاڤێ و ژێدەرێن وێ ل پارێزگەهێن دهۆك نەینەوا و سامانێن ئاڤێ و رێیێن گەهاندنێ یێن سەرەکی ل دەڤەرێ هەرەسان رێگریکرن ل شێوەیێن بـهەروەدان و زێدە مەزاختنا ئاڤێ دناڤ جڤاکیدا و هوشیاریا وەلاتییان ب رێیا سەرجەم سازیێن پەیوەندیدار.
پاش ئاماژەدا وێ یەکێ کو ل سەر ئاستێ جڤاتا وەزیران و ئیدارا پارێزگەها دهۆکێ بوردەك هاتییە پێكئینان بۆ سەرەدەریکرنا ل گەل مەترسییا کێمیا ئاڤێ و چاوانییا هوشیاکرنا وەلاتییان، هەروەسا بۆ ڤێ یەکێ ژی لژنێن جوراو جور دێ دوڤچوونا سەخبێریا بەنداڤا و بیرێن ئاڤێ و ژێدەرێن وێ بکەن.
جێگرێ پارێزگاری گوت ژی: ئەم دێ پەنایێ بەینە بەر یاسایا سەرەدەریکرنا لگەل زێدە مەزاختنا ئاڤێ بۆ کێمکرنا هەموو ئاریشێن ژوێ سەدەمی روو ددەن و حکومەتا هەرێما کوردستانێ چەندین پلانێن گرنگ و ستراتیژی دارێژتینە.
ل دووماهیێ ژی داخواز ژ سەرجەم وەلاتیان کر بابەتێ کێمبوونا ئاڤێ بەرچاف وەربگرن و ب زێدەهی نە مەزێخن.
پاش دان و ستاندن ب تێرو تەسەلی هاتنە کرن ژلایێ بەشدابوویانڤە و ب تایبەت بەحسا خالێن گرنگ یێن روب روبونا مەترسیا کێمبوونا ئاڤێ هاتە کرن و هەردو رێکخراوێن ناڤهاتی چەندین پلانێن باش خستنە بەرچاڤ.
بۆ پالپشتیا پرۆژێ کەمپینا پاراستنا ئاڤێ ل پارێزگەهێن دهۆك و نەینەوا وروك شوپەك هاتە پێشکێشکرن
