مەسرور بارزانی پێشوازی ل کونسولێ گشتیێ نوویێ هەنگاریا ل هەرێما کوردستانێ کر

مەسرور بارزانی، سەرۆکێ حکومەتا هەرێما کوردستانێ، ئەڤڕۆ ئێكشه‌مبى 3-10-2021) پێشوازی ل “ئاتیلا تۆس”، کونسولێ گشتیێ نوویێ هەنگاریا ل هەرێما کوردستانێ کر.

سەرۆکێ حکومەتێ، پیرۆزباهى یا دەستبەکاربوونێ ل کونسولێ گشتیێ نوویێ هەنگاریا کر و هیڤیا سەرکەفتنێ بۆ خواست د ئەرکێ ویێ نوودا.

 کونسولێ گشتیێ هەنگاریا، ئاماژە ب هندێ دا کو وه‌ڵاتێ وى بە رێز و پێزانینڤه‌، ئەزموونا پێکەڤەژیانا ئاشتییانه‌ یا دناڤبه‌را پێکهاتەیێن جودا ل هەرێما کوردستانێ دنرخینیت. خواستا هەنگاریا ژى، بۆ پێشڤه‌برنا زێده‌ترا پەیوەندییان ل گەل هەرێما کوردستانێ دەربڕی، ب تایبەتی د وارێ وەبەرهێنانێدا و ئاڵۆگۆڕكرنا بازرگانی دا.