سەرۆک مەسعود بارزانی ئەڤڕۆ یەکشەمبى 24-10-2021 ل سەلاحەدین، پێشوازی ل ئۆرلیک شانۆن، باڵیۆزێ کەنەدا ل عێراقێ کر، ده‌رباره‌یى قۆناغا پشتى هەڵبژارتنان گۆتوبێژكرن. سەرۆک بارزانی گۆتى، سەرکەفتنا پرۆسەیا سیاسییا عێراقێ یا گرێدایى ب بهێزبوونا دیموکراسیێ و رێزگرتنێ ل مافێن هەموویان.
د راگه‌هاندنا باره‌گایێ بارزانى دا هاتییه، كو د دیدارێدا ئیت دوڤال، به‌رپرسێ نڤێسینگه‌ها كاروبارێن بالیۆزخانا كه‌نه‌دا ل هه‌ولێرێ ئاماده‌بوویه، هه‌ردوو ئالیان بیروراێن وان ده‌رباره‌یى پرۆسه‌یا سیاسییا عیراقێ و ب رێڤه‌چوونا هه‌لبژارتنان و قوناغا پشتى هه‌لبژارتنان هاتنه ئالوگۆركرن.
سەرۆک بارزانی، جەخت ل هندێ كرییه کو سەرکەفتنا پرۆسەیا سیاسی ل عێراقێ یا گرێداىه ب بهێزبوونا دیموکراسیێ، جێبەجێکرنا شەراکەت و رێزگرتنێ ل مافێن هەموو پێکهاتەیێن عێراقێ.
ب درێژاهییا ئه‌وێ رۆینشتنێ سەرۆک بارزانی و ئۆرلیک شانۆن جەخت ل سەر پەیوەندیى و دۆستایەتییا دناڤبه‌را گەلێ کوردستانێ و گەلێ کەنەدا کر.
