كورێ باژێرێ دهۆكێ و دادڤانێ نێڤده‌وله‌تى شڤان له‌زگین گه‌هشته وه‌لاتێ پاكستانێ ب مه‌ره‌ما ب رێڤه‌برنا یاریێن قاره‌مانیا پاكستانێ یا نێڤده‌ولى یا تایكواندویێ ئه‌وا كو بریاره سوباهى هه‌ڤركیێن وێ ل باژێرێ ئیسلام ئاباد بهێنه كرن.
عیماد یونس سه‌رۆكێ ئێكه‌تیا تایكواندویێ ل پارێزگه‌ها دهۆكێ د داخویانیه‌كا تایبه‌ت دا بۆ ئاژانسا خانى گۆت: ژبه‌ر ئاستێ وى یێ بلند ئێكه‌تیا عێراقێ یا تایكواندویێ دادڤان شڤان له‌زگین یێ 36 سالى هه‌لبژارت ژبو ب رێڤه‌برنا یاریێن قاره‌مانیێ ، ب تنێ یاریزانێن پله‌دار ل سه‌ر ئاستێ جیهانێ دێ پشكداریێ د وێ قاره‌مانیێ دا كه‌ن.
ناڤبرى دیاركر ژى شڤان له‌زگین نوكه دهێته هژمارتن ئێك ژ باشترین دادڤانێن كوردستانێ و عیراقێ ب یاریا تایكواندویێ و خودان سێ باوه‌رنامه‌یێن نێڤده‌ولى یه .
