<h2 style="text-align: justify;"><span style="font-size: 18pt;">سەرۆکا لژنا دەڤەرێن کوردستانێ دبێژیت؛ رێگری و ئاستەنگ ھەنە بۆ ئاسایی کرنا رەوشا وان دەڤەران، ھەر رێکەفتنەکادی بھێتەکرن دێ چارەنڤیسێ وێ وەك رێکەفتنا شنگالێ بیت.</span></h2> <h2 style="text-align: justify;"><span style="font-size: 18pt;">جوان رۆژبەیانی، سەرۆکا لژنا دەڤەرێن کوردستانی بۆ ئاژانسا خانی دیارکر: ھەرێما کوردستانێ بزاڤان بۆ بجهئینانا رێکەفتنا شنگالێ و رێکەفتنێن دی لدۆر ئێمناهیا رەوشا دەڤەرێن کوردستانی یێن دەرڤەی ئیدارا حوکمەتا ھەرێما کوردستانێ، بەلێ ھندەك لایەن رێگرن لھەمبەر بجهئینانا رێکەفتنا شنگالێ و حوکمەتا ئیراقێ، لەوڕا ھەر رێکەفتنەکادی بھێتەکرن دێ چارەنڤیسێ وێ وەك رێکەفتنا شنگالێ بیت.</span></h2> <h2 style="text-align: justify;"><span style="font-size: 18pt;">جوان رۆژبەیانی گۆت ژى: پێکھاتێن وان دەڤەران کرینە بەھانە و ئاستەنگ لھەمبەر ئێمناهیا رەوشا وان دەڤەران و ڤەگەڕیانا ھێزێن پێشمەرگەی، بێگومان ئەو پێكھاتەیێن رێگریێ دکەن کاریگەریێن وه‌لاتێن دەڤەرێ لسەر ھەیە.</span></h2> <h2 style="text-align: justify;"><span style="font-size: 18pt;">سەرۆکا لژنا دەڤەرێن کوردستانی دیاركر: زێدەبوونا لڤینێن داعش دو ئەگەر ھەنە، ئێك ژوان ھێزێن ئیراقی نەشیاینە کۆنترۆلا رەوشا دەڤەرێ بکەن و ئەگەرێ دویێ ژی نەبوونا ھێزێن پێشمەرگەیە ل دەڤەرێن کوردستانێ، ھەتا ھێزێن پێشمەرگەی نەھێنە ڤەگەڕاندن رەوشا دەڤەرێن کوردستانێ رۆژ بۆ رۆژێ دێ ئالۆز بیت و مەترسی ژی دێ زێدەتربن.</span></h2>
