نێچيرڤان بارزانى، سه‌رۆكێ هه‌رێما كوردستانێ ل ده‌مێ پێشوازیكرنێ ل شانده‌كێ چارچۆڤێ هه‌ماهه‌نگی راگه‌هاند، عێراقێ ره‌وشه‌كا تايبه‌ت هه‌يه و هه‌رێما كوردستانێ چ جار نابیته پشكه‌ك ژ كێشان، به‌لكو وه‌كو هه‌موو جاران دێ فاكته‌ره‌كێ هاریكار بیت بۆ چاره‌سه‌ركرنا واقعييانه یا كێشان و گه‌هشتن ب هه‌ڤبه‌شييه‌كا راسته‌قينه یا دناڤبه‌را لايه‌نێن عیراقی دا.
د وێ كۆمبوونێ دا، پێشهاتێن ره‌وشا سياسی یا عێراقێ، هه‌لبژارتنێن 10 ی ئۆكتۆبه‌را بوری و جڤاتا نوونه‌ران و نيگه‌رانییا لايه‌نێن ژ ئه‌نجامان نه رازی، پرۆسا ياسايى و تانه‌دان ل وان ئه‌نجامێن هاتنه گوتۆبێژ كرن.
كێشێن هه‌ولێر ـ به‌غدا، به‌رنامی كارێ وی شاندی و ديدار و كۆمبوونێن وان ل هه‌رێما كوردستانێ، چاوانییا مامه‌له‌كرنێ ل گه‌ل وێ ره‌وشێ و بزاڤێن چاره‌سه‌ركرنا كێشان، ته‌وه‌ره‌كێ ديتر یێ وێ ديدارێ بوو.
