مهحمود محمد ئاخفتنكهرێ پارتى دیموكراتى كوردستان، بهرسڤا راگههاندنا جڤاتا سهركردایهتییا ئێكهتیێ ددهت و رادگههینیت: بهیانناما روژا ئێكشهمبى (23ى كانونا دووێ) یا جڤاتا سهركردایهتیا ئێكهتی نشتیمانى كوردستان سهبارهت پارتیا مه و رهوشا سیاسى و پرسا سهرۆك كومارى و هندهك دلارێبرن و بێ ئینسافى تێدابوو، ژبهر هندێ ب باشى دزانین رایا گشتى یا كوردستانێ راستى و دروستاهیا بابهتان ئاگههدار بكهین.
دهقێ راگههاندنێ:
پشتى راگههاندنا ئهنجامێ ههلبژارتنێن ئۆكتوبهرا بوورى یا جڤاتا نونهرێن عیراقێ، ل سهر راسپاردا جهنابێ سهرۆك بارزانى شاندهكێ مهكتهبا سیاسى یا پارتى ب مهرهما ههبوونا ههلویستهكێ ههڤپشك و ئێكخستنا ناڤمالا كوردى و دروستكرنا شاندهكێ ههڤپشك بو بهغدا پێخهمهت چهسپاندنا داخۆازیێن رهوایێن گهلێ كوردستانێ سهرهدانا ههمى لایهنێن كوردستانى كر.
ههر ل سهر وى بنهمایى ژى كۆمبوونا دناڤبهرا ههردوو مهكتهبێن سیاسى یێن ئێكهتیێ و پارتى هاته گرێدان دگهل وێ چهندێ ژى دا سهرۆك بارزانى پێشوازى ل بافل تالهبانى ههڤسهرۆكێ ئێكهتیێ كر، ئارمانجا سهرهكى ژوان كۆمبوونا بهرههڤكرنا بهرنامهكێ كوردستانى بۆ، ژبۆ دیتنا ههڤپشك بهرامبهر ئاییندێ عیراقێ و داخۆازێن رهوایێن و تێكرایێ پروسێسا سیاسى بوو.
مهرهما پێ ئهو بۆ شاندهكێ ههڤپشك ژ ههمى لایهنێن سیاسى یێن كوردستانى بهێته پێكئینان، بهلێ بمخابنى ڤه وێ چهندێ سهرنهگرت و پێخهمهت بدهستڤهئینانا ئێكرێزیێ لسهر پێكئینانا شاندهكێ ههڤپشك دناڤبهرا پارتى و ئێكهتیێ رێككهفتین بو هندێ لێكتێگههشتنێن دهستپێكى بكهینه قوناغهك بو رێككهفتنا سیاسى.
ژبهر هندێ ژى شاندهكێ ههڤپشكێ پارتى و ئێكهتیێ ب سهرۆكاتیا عیماد ئهحمهد ئهندامێ مهكتهبا سیاسى یا ئێكهتیێ سهرهدانا بهغدا كر و زنجیرهكا كۆمبوونان دگهل لایهنێن عیراقى یێن دناڤ پرۆسێسا سیاسى ئهنجامدا، بهلێ بمخابنى ڤه بومه دیاربوویه كو ننهرێن ئێكهتیێ یێن پشكدار دشاندێ ههڤپشك دا روانگهههكا ئاشكرا نینه و شیانێن بریاردانێ ژى ههمبهر پرسان نهبوو، ژبلى وێ چهندێ بێی ئاگههداریا پارتى ژ شاندێ ههڤپشك خوه ڤهكێشایه.
سهبارهت روونشتنا جڤاتا نونهرێن عیراقێ، پێدڤى بوو ههمى لایهك پێگیرى پێناگاڤێن دستورى بن ، فراكسیونا ئێكهتى نشتیمانى زێدهبارى بهرههڤبوونا ههمى فراكسیونێن كوردستانى، روینشتنا تایبهت ب ههلبژارتنا دهستهیا سهرۆكاتیا جڤاتا نونهرێن عیراقێ بجهێلا، ههر ئهوژى ئێكهم پێنگاڤا فراكسیونا ئێكهتیێ بوو بۆ تێكدانا ئێكرێزیا لایهنێن كوردستانى دناڤ جڤاتا نوینهرێن عیراقێ دا.
سهبارهت بابهتێ سهرۆك كومارى ژى دوپات دكهین كو ئهو پوسته ئیستحقاقێ گهلێ كوردستانێ یه و بتنێ مولكێ لایهنهكى یان كهسهكێ دیاركرى نینه، ههر لدویڤ وى بنهمایى ژى پێدڤییه بتنێ بهربژارهك بهێته دیاركرن كو رازهمهندى و پشتهڤانیا ههمى لایهنێن كوردستانى ل سهر بیت، بهلێ ئێكهتی نشتیمانى كوردستان یا بهردهوام بۆ لسهر پێداگیریا خوه بۆ بهبژاركرنا كهسهكى ئهوژى ژدهرڤهى رازهمهندیا ناڤالا كوردى و پوستێ سهرۆك كومارى وهكو ئیستحقاقهكێ ب تمام حزبى دیتییه و ل رهوانگهههكێ تهمام حزبى كار بو كریه نهك نشتیمانیانه.
پێدڤییه بوو ئێكهتى سهبارهت بابهتێ سهروك كومارى ئێكرێزیا ناڤمالا كوردى هویرتر و نشتیمانیتر سهرهدهرى كربا، پێدڤییه بهرپرسیارهتیا رهوشا نوكه و دویڤدا یا وێ لێكترازانا هاتییه پێش ب ستویێ خوڤه بگریت
مەحموود محەمەدئاخفتنكهرێ پارتی دیموكراتی كوردستان٢٤ـی کانوونا دووێ ٢٠٢٢
