عەبدلحەمید گول، وەزیرێ داد یێ توركیا، كو هەڤدەم ئەندامێ سەرکردایەتیيا پارتا داد و گەشە پێدان (ئاكەپێ)یە، دەست ژ کارکێشا و ل جهێ وی کوردەك بۆ وەزیرێ داد یێ تورکیا و پێشتر ژی وی کەسی دوو جاران ئەو پۆستە وەرگرتیيە.
بۆ دەمێ هەیڤەکێ یە باس ژ دەست ژ کارکێشانا بەرپرسەکێ بلند یێ حکومەتا تورکیا دهێتە کرن، و ئەڤرۆ دەنگۆیێ دەست ژ کارکێشانا وەزیرێ داد هاتە پشتراست کرن.
عەبدولحەمید گول ل هژمارا خوە یا تایبەت ناما دەست ژ کارکێشانا خوە بەلاڤکریيە و سوپاسیيا سەرۆك کۆمارێ تورکیا کریيە بۆ قەبیلکرنا دەست ژ کارکێشانا وی.
ل جهێ عەبدلحەمید گول بەكر بۆزداخ، وەكو وەزیرێ داد یێ توركیا دەستبكاربوو، پێشتر ژی ناڤبری دوو جاران ئەو پۆستە وەرگرتیيە، ب وەرگرتنا پۆستێ وەزیرێ داد دێ بیتە جارا سیێ بەکر بۆزداخ دبیتە وەزیرێ داد یێ تورکیا ل سەر لیستا ئاکەپێ.
