وه‌زاره‌تا كشتوكال: دێ پلانه‌كێ دانێن ژبۆ هنارتنا به‌رهه‌مێ په‌له‌وه‌ران بۆ ژێریا عیراقێ

حسێن حه‌مه‌كه‌ریم په‌یڤدارێ وه‌زاره‌تا كشتوكال و ژێده‌رێن ئاڤێ تایبه‌ت بو ئاژانسا خانى راگه‌هاند، ب مخابنیڤه‌ زوربه‌یا جاران رێگرى ل مریشك و هێكێن هه‌ریمێ دهێنه‌ كرن ب بهانه‌یا هندێ مریشك و هێكێن برێكێن نه‌یاسایى دهێنه‌ هنارتن.

په‌یڤدارێ وه‌زاره‌تا كشتوكال و ژێده‌رێن ئاڤێ ئاماژه‌ ب هندێ ژى كر، یاداشتنه‌كا لێكه‌تیكه‌هشتنێ ل دوماهیا مه‌ها پێنج یا سالا بوورى، دناڤبه‌را وه‌زیرێ چاندن و ژێده‌رێن هه‌رێمێ و وه‌زیرێ چاندنا عیراقێ ئیمزاكریه، ژبو هندێ ئاسانكارى بهێنه‌كرن بو چوونا مریشك و هێكان بۆ عیراقێ.

حسێنى دیار ژى كر، شانده‌كێ بلند یێ سه‌رۆكاتیا جڤاتا وه‌زیران دێ چیته‌ به‌غدا و دگه‌ل سه‌رۆك وه‌زیران ژبۆ دانوستاندنێ سه‌باره‌ت دانانا پلانه‌كا ئێكگرتى ژبۆ چاره‌سه‌ریا وى بابه‌تى.

گوتژى، كارتێكرنه‌كا زور دێ لسه‌ر هه‌رێمێ په‌یداكه‌ ژبه‌ركو زێده‌تر ژ پێدڤیا خوه‌ به‌رهه‌م دئینین.