<h2 style="text-align: justify;"><span style="font-size: 18pt;">سه‌رۆكێ حكومه‌تا هه‌رێما كوردستانێ ئه‌ڤرۆ 3/3/2022 د كۆنگره‌كێ رۆژنامه‌ڤانى دا راگه‌هاند كو گه‌له‌ك ژمافێن ده‌ستوورى یێن هه‌رێما كوردستانێ ژلایێ عیراقێ ڤه هاتینه پێشێلكرن. </span> <span style="font-size: 18pt;">وداخویاكرن كو ل گوره‌ى ده‌ستوورێ عیراقێ پێدڤى بوو جڤاتا فیدرالى هاتبا درۆستكرن بۆ چاره‌سه‌ركرنا كێشه‌یێن هه‌رێمێ و عیراقێ دا، لێ نه‌هاته درۆستكرن و ڤێ یه‌كێ ژى كارتێكرن ل سه‌ر درۆستبوونا كێشه‌یان دناڤبه‌را هه‌ردوو لایان دا هه‌بوو. </span> <span style="font-size: 18pt;">ده‌رباره‌ی كێشه‌یا دیار كر غاز و په‌ترۆل ل گوره‌ى ده‌ستوورى مافێ هه‌موو خه‌لكێ عیراقێ یه و نه هاتییه گۆتن بتنێ مۆلكێ حكومه‌تا ناڤه‌ندى یه. ودیاركر عیراقێ تانوكه یاسایا غاز و په‌ترۆلێ ده‌رنه‌كرییه و ئه‌م تێدا به‌رپرس نینین. </span> <span style="font-size: 18pt;">دیسان بارزانی دیاركر كو بریارا دادگه‌ها فیدرالى دژى هه‌موو برگه و مادێن ده‌ستووورى یه و بریاره‌كا سیاسى یه وتاك لایه‌نا نه بوو، ونابیت ل گور ئه‌گه‌رێن سیاسى یاسایا غاز و په‌ترۆلا هه‌رێمێ بهێته ره‌تكرن.</span> <span style="font-size: 18pt;">سه‌روكێ حكومه‌ه‌تا هه‌رێما كوردستانێ گوت: مه داخواز ژ حكومه‌تا ناڤه‌ندى كرییه گۆتۆبێژان ل سه‌ر وان پرسان بكه‌ین.</span> <span style="font-size: 18pt;">دیاركو كو دادگه‌ها فیدرالى ل گوره‌ى رێكارێن ده‌ستوورى پێكنه‌هاتییه وگه‌له‌ك ماددێن ده‌ستووى ژى هاتینیه گوهورین ژبه‌ر ڤێ یه‌كێ ئه‌و دادگه‌هه ب خوه دادگه‌هه‌كا نه ده‌ستوورى یه. </span> <span style="font-size: 18pt;">دڤێ كونگره‌یدا مه‌سرور بارزانی داخواز ژ جڤاتا نوینه‌ران كر د ڤێ خۆلێ دا دادگه‌ها فیدرالى ل گوره‌ى ده‌ستوورى بهێته درۆستكرن، كۆ ب رێژه‌یا دوو ل سه‌ر سێ یا ده‌نگێن ئه‌ندامێن جڤاتا نوینه‌رانه. </span> <span style="font-size: 18pt;">هه‌روه‌سا سه‌روكێ حكومه‌تا هه‌رێمێ تیشك ئێخسته لسه‌ر داهاتێ حكومه‌تا هه‌رێمێ ودیاركر ئه‌وان ل گوره‌ى یاسایا بۆدجێ یا سالا 2021ێ ماف و شایسته‌یێن دارایى یێن هه‌رێما كورسدتانێ دابینكرینه وپابه‌ندى یاسایێ ژى بووینه. به‌لێ ل 26 مه‌هێن بوورى، به‌غدا بتنێ 12 مه‌هان ماف و شایستێ، دارایى یێن هه‌رێمێ هنارتینه.ودیاركر كو ل ده‌مێ بوورى هه‌رێما كوردستانێ بتنێ ژ 5 % یا داهاتێ حكومه‌تا عیراقێ مفادار بوویه.</span> <span style="font-size: 18pt;">ده‌رباره‌ی داهاتێ په‌ترولا هه‌رێما كوردستانێ بارزانی گوت: ئه‌و كۆمپانییێن گرێبه‌ست لگه‌ل هه‌رێما كوردستانێ هه‌ین خه‌رجى هه‌نه بۆ ده‌رئینانا په‌ترۆلێ، بوویه پشكه‌كا مه‌زن یا پارێ په‌ترۆلێ بۆ وان كۆمپانییان دچیت دا پرۆسه یا به‌رده‌وام بیت. 7 % یا داهاتێ په‌ترۆلێ بۆ قه‌رزایه، 43 % بۆ كۆمپانییێ، په‌ترۆلێ یه، 9% بۆ ڤه‌گۆهاستنا په‌ترۆلێ یه و 41 % بۆ گه‌نجینا حكومه‌تێ و مووچه‌ى ڤه‌دگه‌ریت. </span> <span style="font-size: 18pt;">ودوپاتكر كو د كابینا بوورى دا 25% یا داهاتێ په‌ترۆلێ د ڤه‌گه‌رییا گه‌نجینا حكومه‌تێ، لێ پشتى چاكسازییان گۆهۆرین د كابینێ دا بوویه 41 % وبهایێ په‌ترۆلێ د ڤێ كابینێ دا 4 دۆلار بۆ هه‌ر به‌رمیله‌كێ ڤه‌گه‌ریاینه گه‌نجینا حكومه‌تێ</span> <span style="font-size: 18pt;">ودیاركر كو داهاتێ خالێن سنۆرى و نافخۆ كێم بوویه و ل خالێن سنۆرى پێگرى ب داهاتێ نافخۆ ناهێته كرن، ودیاركر كو ل هه‌می خالێن سنۆرى داهات وه‌كی ئێك نینه و چه‌ند هه‌یڤن داهات كێم بوویه و ناهێته گه‌نجینا حكومه‌تێ، پێدڤییه وه‌زیرێ دارایى رونكرنه‌كێ بده‌ت ل دور كێم بوونا داهاتێ نافخۆ و خالێن سنۆرى و نه هنارتنا 200 ملیارێن به‌غدا بوونه ئه‌گه‌رێ دابه‌شنه‌كرنا مووچه‌ى دده‌مێ خوه دا</span></h2> <h2 style="text-align: justify;"><span style="font-size: 18pt;">ودیاركر كو جهێ داخێ یه داهاتێ نافخۆ به‌ره‌ڤ دزییێ دچیت و ده‌ستهه‌لاتدارین پارێزگه‌هێن هه‌رێمێ پابه‌ند نه‌بووینه ب داهاتێ په‌ترۆلێ بتنێ مووچه ناهێته دابینكرن ومه ل گه‌ل به‌رپرسێن به‌غدا گۆتۆبێژكرینه ئه‌گه‌ر ئه‌م په‌ترۆلێ راده‌ست بكه‌ین به‌رامبه‌ر ئه‌و دێ ماف و شایستێن دارایى یێن هه‌رێمێ دابینكه‌ن، ئه‌وان ره‌تكرییه وان مافان بۆ مه فرێكه‌ن وبه‌غدا دبێژیت وان شیانێن ته‌كنیكى بۆ برێڤه‌برنا په‌ترۆلا هه‌رێمێ نینن، قه‌رزه‌كێ زۆر ل سه‌ر مه هه‌یه لێ به‌غدا ژ پشكه‌ك ژ وان به‌رپرسیاره و نابیت خوه ژێ بێ گونه‌هـ بكه‌ن.</span> <span style="font-size: 18pt;">هه‌روسا دیاركر چ حكومه‌تا نه‌ڤێت بكه‌ڤیته بن گازنده‌یان و كێشان بۆ خوه درۆست بكه‌ن و خه‌لكى ژ خوه تۆره بكه، وحكومه‌تێ چ مه‌به‌ستێن سیاسى نینن بۆ پاشئخستنا مووچه‌ى و لێبرینا مووچه‌ى .</span> <span style="font-size: 18pt;">لدوماهیا په‌یڤا خۆ مسرور بارزانی دا خویاكرن كو حكومه‌تێ به‌رنامه‌یه‌كێ باش هه‌یه بۆ درۆستكرنا ده‌رفه‌تێن كارى و هاریكاریكرنا گه‌نجان و درۆستكرنا پرۆژه‌یێن بازرگانى یێن بچیك.</span></h2>
