بهری 34 سالان ود روژەکا وەکی ئەڤرۆدا ل 16 مەھا ئادارا سالا 1988ێ و ژڤهرێژا شەرێ دناڤبەرا ھەردو وەلاتێن عیراق و ئیرانێ دا، پشتی ئیرانێ ھێزێن خوە ژ باژێرێ ھەلەبجە ڤەکێشاین و بەری رژێما بەعسا ژناڤچوی یا عیراقێ بھێتە دناڤ باژێرێ ھەلەبجە دا ژ لایێ فروکێن عیراقێ ب دووسهد موشهكێن كیمیاوی ڤە ھاتە کیمیا بارانکرن، ل دویڤ ئامارێن وهزارهتا كاروبارێن شههید وئهنفالان ل ههرێما كوردستانێ دڤێ ھێرشا کومکوژیدا 5000 ھزار کەس شەھید بوون، نێزیكی 10 ھزار کەسان ژی بریندار بوون، زێدەتری هزار کەسان ژی تا نوکە ساخلەمیا وان نە یا جێگیرە و دبرینێن خوەدا دنالن، لدویڤ ئاماران 972 بریندارێن ڤێ كارهساتێ پێدڤی چارهسهریێن جودانه، ژوان 25 بریندار تا نوکە رۆژانە پێتڤی ب گازا ئوکسجینی نە ژ بۆ بەردەوامی دانێ ب ژیانا خوە ، زێدەتری 119 زارۆکان تا نوکە د بێ سەروشوینن.
پشتی کومکوژیێ ، ئێکسەر ھەردوو وەلاتان ب سوچا کومکوژیا کیمیا بارانا باژێرێ ھەلەبجە ھەڤدوو تومەتبار کر، لێ ل گورەی وان وێنە و ڤیدیویێن ب کامیرا وێنەگرێ ئیرانی (جولستان کاوە) ھاتینە تۆمارکرن، زێدەباری چەندین بەلگێن دی یێن سەلمێنەر دیاربویە کومکوژیا باژێرێ ھەلبجە ژ لایێ رژێما بەعسا ژ ناڤچویا عیراقێ ڤە ھاتبوو ئەنجامدان.
