<h2><span style="font-size: 14pt;">نوینەرا نەتەوێن ئێکگرتی(UN) ل ئیراقێ جنین بلاسخارت دبهیانامهكێدا راگەهاند، کێم بوونا باران بارینێ مەترسیا کێمبوونا ئاڤێ ل سەر عیراقێ دروستکریە، هەر وەسا بەردانا ئاڤێ ژ لایێ وەلاتێن هەڤسویێن عیراقێ ڤە هاتیە کێم کرن و ئەڤ چەندە بویە جهێ مەترسیێ ل سەر ئیراقێ، کێم بوونا ئاڤێ ل عیراقێ دێ کاریگەریا خوە ل سەر گەلەک سکتەرێن بەرهەمئینانێ و ژیانێ کەت، ئەگەر هەنە کێمبوونا ئاڤێ ببیتە ئەگەرێ ئاوارەبوون و هەژاریی دناڤ خەلکی دا، لەورا گرنگە عیراق دگەل هەڤسویێن خوە بگەهیتە رێککەفتنەکێ بو چارەسەرکرنا پرسا ئاڤێ.</span> <span style="font-size: 14pt;">پلاسخارت دوپاتکر، UN دێ هەمی بزاڤان کەت بۆ ڤەدیتنا چارەسەریان ل سەر پرسا کێم بوونا ئاڤێ ل عیراقێ، هەر وەسا ناڤهاتی ئاماژە کریە UN بەرهەڤە بۆ هاریکاریکرنا عیراقێ ل سەر ڤەدیتنا رێکێن چارەسەریێ بۆ نەهێلانا سەرهلدانا قەیرانا ئاڤێ.</span> <span style="font-size: 14pt;">هەر دڤێ مژارێدا دەستەیا ژینگەهێ یا حکومەتا هەرێما کوردستانێ بههلكهفتا رۆژا جیهانی یا ئاڤێ دا كو دكهڤیته 22 ئادارێ راگەهاندیە كو پێدڤیە رێکخراوێن ژینگەهێ بەردەوامبن د هشیارکرنا خەلکی دا، دا ئاڤ ب شێوەکێ باشتر بۆ ژیانا رۆژانە بهێتە بکار ئینان، هەر وەسا دایه خویاكرن كو پرسا ئاسایشا ئاڤێ د نوکە و داهاتی دا پشکەکە ژ ئاسایشا نشتیمانی.</span> <span style="font-size: 14pt;">دەستەیا ژینگەها ههرێما كوردستانێ دوپاتکریە، پێدڤیە دڤێ هەلکەفتێ دا، ئاڤێ بکەینە ژێدەرێ ئاشتییێ نە یێ شەری، ئەڤەژی ب رێیا دانوستاندنێن بەردەوام دناڤبەرا هەرێمێ و وەلاتێن دەڤەرێ دا و ڤهدیتنا رێکێن چارەسەریا ئاشتیانە و عادیلانە بۆ پرسێ.</span></h2>
