نڤیسه‌ره‌كێ ئیراقی: سه‌رۆك بارزانی سیمبۆلا هه‌می ئازادیخازێن ئیراقێ یه‌

نڤێسه‌ره‌كێ ئیراقی رادگه‌هینیت: سه‌رۆك بارزانی ب تنێ سیمبۆلا كوران نینه،‌ به‌لكو سیمبۆلا هه‌می ئازادیخازێن ئیراقێ یه‌، د هه‌ر سه‌ره‌دانه‌كێدا بۆ هه‌ولێرێ، وه‌رچه‌رخانه‌كا نوو یا ئاڤه‌دانیێ دهێته‌ دیتن كو مه‌سرور بارزانی رۆلێ سه‌ره‌كی تێدا دبنیت، لێ ب به‌غدایێ هه‌می رۆژه‌كی دۆسه‌یه‌كمێ گه‌نده‌لییا خراپ دهێـه‌ دیتن.

خه‌لیل زوبه‌یدی نڤێسه‌رێ دیارێ ئیراقێ د گۆتاره‌كێدا ل ژێر ناڤ ونیشانێ “پارتی و سه‌ركردایه‌تییا وێ.. د ته‌رازوویێدا” كو ل مالپه‌رێ (الصوت العراق) به‌لاڤكریه‌، ئاماژه‌ ب هندێ كریه،‌ د ژیاننامه‌یا پارتێن سیاسییێن ئیراقێدا تو یێ نه‌چاری به‌حسی پارتییا دیموكراتا كوردستانێ بكه‌ی وه‌كو ئێك ژ سه‌ركه‌فتیترین پارتێن سیاسی بۆ گه‌هشتن ب  ئارمانجێن وێ، ئه‌ڤه‌ ژی ڤه‌دگه‌ریت بۆ مه‌لا مسته‌فا بارزانی كو ب درێژاهییا ده‌هان سالێن ئاواره‌یی یێ كار بۆ ئارمانجێن كورد و سه‌قامگیری و دیموكراسی كریه‌ و پێشه‌نگێ بزاڤا شۆره‌شگێری بوویه‌ و هه‌می رێكه‌ك بۆ ب ده‌ستڤه‌ ئینانا ئارمانجان گرتییه‌ به‌ر.

نڤێسه‌رێ ئیراقی به‌حسی سه‌رۆك مه‌سعود بارزانی كریه‌ كو سه‌ره‌رای ئاریشه‌یێن ناڤخۆیی و ده‌ره‌كی، به‌رده‌وامی ب شۆره‌شێ دایه‌ و میكانیزما گونجایتر گرتییه‌ به‌ر بۆ مامه‌له‌كرن ل گه‌ل ئیران و شه‌رێ به‌غدایێ.

هه‌روه‌سا خه‌لیل زوبه‌یدی دووپاتی ل هندێ ژی كریه‌، ئه‌و لایه‌نێن بۆ ده‌مێ 20 سالانه‌ ئیراقێ ب رێڤه‌ دبن، شكه‌ستن ئینایه‌ له‌ورا وه‌لاتییان ماف هه‌یه‌ شانازییێ ب مه‌سعود بارزانیڤه‌ بكه‌ن.