رۆژا شه‌مبى ( 9/4/2022 ) رۆژناما ئێندیپێندنت یا بریتانى كۆشتنا ئه‌لێكسه‌نده‌ر بیسبالۆڤ، جه‌نه‌رالێ له‌شكه‌رى یێ رووسى ل ئوكرانیا راگه‌هاند و ب ڤى ره‌نگى ههژمارا جه‌نه‌رالێن رووسى هاتینه كۆشتن ل ئوكرانیا گه‌هشته 9 جه‌نه‌رالان.
پشتى وى ده‌نگوباسى رۆژناما واشنتۆن پۆست به‌لاڤكر، ئه‌گه‌ر ئه‌و ئامارێن دهێنه به‌لاڤكرن ل دور كۆشتنا جه‌نه‌رالێن رووسى د درۆست بن، ههژمارا قۆربانییێن رووسیا دده‌مێ شه‌ش حه‌فتییێن شه‌رێ ئوكرانیا دا ژ ژمارا كۆشتییێن 9 سالێن شه‌رێ شیشان و ئه‌ڤغانستان و سوریا و جۆرجیا ده‌ربازبوویه.
چاڤدێر و شاره‌زاییێن سه‌ربازى یێن رۆژئاڤاى دبێژن، جه‌نه‌رالێن رووسیا ل به‌ره‌یێن پێشییێ یێن شه‌رى نه، له‌وما ب ره‌نگه‌كێ ئاسان دبنه ئارمانجا چه‌كێن سه‌ربازێن ئوكرانى. سه‌ره‌راى وێ یه‌كێ، ئه‌و بۆ ئه‌نجامدانا په‌یوه‌ندیان دگه‌ل ئێكودو، رێكێن ئاشكه‌را بكاردئینن، له‌وما ب زویترین ده‌م زانیارییێن وان دهێنه ئاشكه‌راكرن.
