وه‌زاره‌تا ساخله‌میيا هه‌رێمێ رێنمایێن ساخله‌مییێ بۆ رۆژێن جه‌ژنێ به‌لاڤكرن

وه‌زاره‌تا ساخله‌ميیا حكومه‌تا هه‌رێما كوردستانێ ئه‌ڤرۆ شه‌مبيێ 18 رێنمایی بۆ هه‌رسێ رۆژێن جه‌ژنێ ژ بۆ به‌رده‌واميیا خزمه‌تگۆزاريێن ساخله‌ميیێ د وان رۆژان راگه‌هاندن.

د وێ راگه‌هاندنه‌كا وه‌زاره‌تێ دا هاتییه‌” لژنێن دويڤچوونێ ل هه‌موو رێڤه‌به‌ريێن گشتى و نه‌خۆشخانان دێ هێنه‌ دانان و بۆ هه‌ر كاره‌كێ پێدڤى دێ هێلا گه‌رم يا په‌يوه‌نديێ هه‌بيت.

هه‌روه‌سا د ده‌مێ پێدڤى دا كۆگه‌هێن ده‌رمانان و پێدڤيێن نۆشدارى و تاقيگه‌هى ل هه‌مى باژێر و باژێركان دێ د ڤه‌كرى بن.

نوشدارێن پسپۆر و ئاكنجيێن كه‌ڤن و په‌رستار و كارمه‌ندێن ساخله‌ميێ ب به‌رده‌واميیا نوبه‌داريێ د پێگير بن.

ئاماده‌باشى بۆ به‌رهه‌ڤكرنا ئه‌مبۆلانسان و دابينكرنا گازێ و په‌نزينێ بهێته‌ كرن.

هێلێن مۆبايلێ يێن پشكان د ڤه‌كرى بن و په‌يوه‌ندیيان به‌رسڤ بده‌ن هه‌روه‌سا نه‌خۆشخانێن هه‌وارهاتنێ د ڤه‌كرى بن.

پێدڤيه‌ سه‌نته‌رێن پێدانا چاره‌سه‌ریيا كيميايى بۆ نه‌خۆشێن په‌نجه‌شێرێ و سه‌نته‌رێن شويشتنا گولچيسكان ب ئاوايێ نوبه‌دارى د ڤه‌كرى بن.

پێدڤیيه‌ تيمێن هه‌وارهاتنێ و هێلا 122 د 24 ده‌مژمێران دا د كارى دا د به‌رده‌وام بن و تيمێن پشكنينا ئاڤا ڤه‌خوارنێ يا مالان و نه‌خۆشيێن ڤه‌گوهێز و چاڤدێريا ساخله‌ميێ ب ئاوايێ نوبه‌دارى د دويڤچوونێن خۆ دا د به‌رده‌وام بن.

هه‌وره‌سا پێدڤيیه‌ پێشكێشكرنا خزمه‌تگۆزاريێن ساخله‌ميیێ بۆ كه‌مپان به‌رده‌وام بن.

 خزمه‌تگۆزاريێن پشكنين و چاره‌سه‌ريا كۆرۆنايێ د به‌رده‌وام بن و دانانا میکانیزمه‌كا گونجایی بۆ پێدانا ڤاکسینی ل رۆژێن بهێنڤه‌دانێ.