هژمارەکا خێزانێن خانەسۆرێ ئاوارەبوون

ئاژانسا خانی ” تایبەت:

ژبەر ترسا شەرێ دناڤبەرا هێزێن یەبەشێ و سۆپایێ عیراقێ دا ” خەلکێ کۆمه‌لگەها خانەسۆرێ یا دكه‌ڤیته‌ باکوورێ چیایێ شنگالێ” هژمارەکا خێزانێن وێ كۆمه‌لگه‌هێ جاره‌كا دی ئاوارەبوون و خوە گەهاندنه‌ پارێزگەها دهۆکێ داکو جانێ وان و زاڕۆیێن وان یێ پاراستی بیت و نەبنه‌ قوربانی دناڤبەرا هەردو ئالییان دا.

ل دوشەمبییا بوری 701 خێزان ژ کۆمه‌لگەها دوگورێ و ناحیا سنونێ ئاوارەبووینە و هەموویان ب تنێ جانێ خوە ژناڤ شەرێ هەردو ئالیان قورتال کرینە و نوكە ئەو لجەم کەس و کارێن خوە دمینن دناڤ کەمپا و کاڤلێن پارێزگەها دهۆکێ دا.

ژبەر مۆهلەتا راوەستییانا شەرێ دناڤبەرا هێزێن یەبەشێ و سۆپایێ عیراقێ دا ” خەلکێ دەڤەرێ ب دەلیڤه‌ دبینن جانێ خوە ژناڤ وی شەری رزگار بکەن هەتاکو چارەیەك بۆ ڕەوشا وێ دەڤەرێ دهێتە دیتن.