ژبه‌ر ره‌وشا نه‌یا سه‌قامگیر ل سنوورێ قه‌زا شنگالێ، ب تایبه‌ت ل ده‌ڤه‌رێن ( سنونێ، خانه‌سووۆ و دووگر )، بو پاراستنا به‌رژه‌وه‌ندییێن وان قوتابییێن دگه‌ل خێزانێن خوه به‌ره‌ڤ سنوورێ پارێزگه‌ها دهۆكێ ڤه چووین بریار هاته دان.
-
رێڤه‌به‌رییا گشتى یا په‌روه‌رده‌یا دهۆكێ و په‌روه‌رده‌یا شنگالێ راسپاردن كو ئه‌و قوتابیێن سه‌ر ب قوتابخانه‌یێن وه‌زاره‌تا په‌روه‌ردێ یا هه‌رێما كوردستانێ ڤه‌نه و نها دگه‌ل خێزانێن خوه چوونه پارێزگه‌ها دهۆكێ و ل كه‌مپه یان ژ ده‌رڤه‌ى كه‌مپان ئاكنجى بووین دشێن ل قوتابخانه‌یێن ناڤ كه‌مپان و ئه‌وێن ژ ده‌رڤه‌ى كه‌مپان دشێن ل نێزیكترین قوتابخانه خوه تۆمار بكه‌ن و تاقیكرنێن خوه بكه‌ن و پاش نمره‌یێن وان برێكا رێڤه‌به‌رییا گشتى یا په‌روه‌رده‌یا دهۆكێ بچنه قوتابخانه‌یێن وان، هه‌روه‌سا ئه‌و قوتابیێن كو ره‌وشا وان یا باش نینه بۆ تاقیكرنان، ده‌ستهه‌لاتا تمام د ده‌نه رێڤه‌به‌رێ گشتى یێ په‌روه‌رده‌یا دهۆكێ ل ده‌مه‌كێ دى یێ گونجاى تاقیكرنان بۆ بكه‌ن ب جوره‌كى كو چ قوتابى ژ وان قوتابییان مافێ وان ژبه‌ر جهێ گهورینا ئاكنجیبوونێ نه‌هێته برین.
-
سپێده‌هییا ئه‌ڤرۆ سه‌باره‌ت وان قوتابیێن سه‌ر ب قوتابخانه‌یێن وه‌زاره‌تا په‌روه‌رده یا عیراقێ ڤه‌نه و چووینه پارێزگه‌ها دهۆكێ په‌یوه‌ندى ب به‌رێز وه‌زیرێ په‌روه‌رده یا عیراقێ كرییه، وداخاز ژێ كرییه هه‌موو رێكارێن گونجایى بجهبینن بو هندێ مافێ وان قوتابییان یێ پاراستى بیت، به‌رێز جه‌نابێ وه‌زیرێ په‌روه‌رده یا عیراقێ سوزدایه كو رێڤه‌به‌رییا گشتى یا په‌روه‌ردا نه‌ینه‌وا بهێته راسپاردن وه‌كو وه‌زاره‌تا په‌روه‌ردێ یا هه‌رێما كوردستانێ پێنگاڤان پاڤێت و تیمه‌كا كاركرنێ بۆ وان بابه‌تان پێكبینن و ب هه‌موو رێكارێن پێدڤى بۆ پاراستنا مافێن وان قوتابییان راببن.
ئالان حه‌مه سه‌عید
وه‌زیرێ په‌روه‌ردێ
