د. ئاراس هه‌ورامى بۆ ( پ،د،ك ) دیاركر، تایا خوینبه‌ربوونێ برێكا ڤایروسه‌كى دهێت و ژ گیانه‌وه‌ران بو مروڤان دهێته ڤه‌گوهاستن، لده‌ستپێكێ دناڤ خوینا گیانه‌وه‌راندا درووست دبیت و ب سێ رێكان بو مروڤان دهێته ڤه‌گوهاستن ئه‌وژى، برێكا خوینا گیانه‌وه‌ران و پاشمایێن وان، و برێكا مێش و موران و گوشتێ گیانه‌وه‌ران.
زێده‌تر ئاراس هه‌ورامى ئاشكراكر، ئه‌ڤ تایه ژ مروڤه‌كێ تووشبویى بۆ ئێكێ دى برێكا شریناهییان و له‌شێ مروڤى و خوینێ دهێته ڤه‌گوهاستن، و ئه‌و جهێن گیانه‌وه‌ر لێ دهێنه ب خودانكرن وه‌كو سه‌ربرخانه‌یان گه‌له‌ك ب مه‌ترسى نه ژبه‌ركو ل وان جهان مێش و مور و خوینا گیانه‌وه‌ران و مروڤ تێكه‌لى ئێك دبن.
گوت ژى: دڤێت چ گیانه‌وه‌ر ژ ده‌رڤه‌ى رێنمایێن ساخله‌مییێ نه‌هێنه سه‌ربرین و هه‌موو جهێن سه‌ربرینان لژێر چاڤدێرییا چر یا ساخله‌مى و فیته‌رنه‌رییێ بن داكو رێك ل به‌لاڤبوونا ڤێ نه‌خوشییێ بهێته‌گرتن، ژبه‌ركو ژ هه‌ر 100 كه‌سێن تووشبوی 10 هه‌تا 40 كه‌سان دكه‌ڤنه حاله‌تێ مرنێدا.
