<h3 style="text-align: justify;"></h3> <h3 style="text-align: justify;"></h3> <h3 style="text-align: justify;"><span style="font-size: 18pt;">ئه‌ڤرۆ دوشه‌مبی 2022/5/9 ێ " نێچيرڤان بارزانى، سه‌رۆكێ هه‌رێما كوردستانێ، پێشوازى ل فيليب ڤاندین بولك، باليۆزێ به‌لژيكا ل ئوردنێ و عيراقێ كر.</span></h3> <h3 style="text-align: justify;"><span style="font-size: 18pt;">د وێ كۆمبوونێ دا گرنگیدان ب په‌يوه‌نديێن عيراقێ و هه‌رێما كورستانێ ل گه‌ل به‌لژيكا، ڕۆلێ به‌لژيكا ل چارچۆڤێ هه‌ڤپه‌يمانيیا نێڤده‌وله‌تيیا ل دژى داعشێ، داوی پێشكه‌فتنێن پرۆسا سياسيیا عيراقێ و په‌يوه‌نديێن هه‌ولێر ـ به‌غدا، هاتنه به‌حس كرن.</span></h3> <h3 style="text-align: justify;"><span style="font-size: 18pt;">هه‌ردو ئالییان دووپاتییا گرنگیدانا په‌يوه‌ندييان و به‌رفره‌هكرنا بیاڤێن هاريكاريیا هه‌ڤپشك كر و هه‌ڤڕا بوون كو داعش هێشتا مه‌ترسييه‌كا ڕاسته‌قينه‌يه و گه‌فان ل ئاسايشا عيراقێ و ڤێ ده‌ڤه‌رێ دكه‌ت، بۆ ڤێ ژی عيراقێ پێدڤى ب به‌رده‌واميیا پشتگيريیا نێڤده‌وله‌تى هه‌يه.</span></h3> <h3 style="text-align: justify;"><span style="font-size: 18pt;">باڵيۆزێ به‌لژيكا سوپاس و پێزانينێن وه‌لاتێ خوه بۆ ڕۆلێ هه‌رێما كوردستانێ د به‌رهنگاربوونا داعشێ و قوربانيێن پێشمه‌رگه‌یی ده‌ربرین و دووپات کر کو وه‌لاتێ وی وه‌کو هه‌ڤپشكه‌كی پابه‌ند دێ ب پشتگیرییا عیراقێ و هه‌رێما کوردستانێ مینیت. </span></h3> <h3 style="text-align: justify;"><span style="font-size: 18pt;">ژ ئالییێ خوه‌ڤه سه‌رۆك نێچيرڤان بارزانی سه‌ره‌رایی ده‌ربڕینا سوپاس و پێزانینێن هه‌رێما كوردستانێ بۆ پشتگيرى و هاریكاريێن به‌لژيكا ل شه‌رێ دژى تيرۆرێ دا، دووپاتی ل پێدڤییا هاریکاری و هه‌ماهه‌نگییا دناڤبه‌را سوپایێ عیراقێ و پێشمه‌رگه‌یی کرب تایبه‌تی ل وان ده‌ڤه‌رێن ڤالاهییێن ئه‌منی هه‌ین.</span></h3> <h3 style="text-align: justify;"><span style="font-size: 18pt;">ره‌وشا شنگالێ و ئاواره‌بوونا خه‌لكێ وێ ده‌ڤه‌رێ ژ ئه‌نجامێ پێشهاتێن ئه‌منی، ئه‌رک و کارێن یوونیتادێ ل عیراقێ، ره‌وشا ناڤخۆیی یا هه‌رێما کوردستانێ و گرنگییا گوتۆبێژان بۆ لێک تێگه‌هشتنێ، پرسا ئازادییان و ئازادییا ڕاده‌ربڕینێ، په‌ژیكا كۆرۆنایێ و کاریگه‌ریێن وێ، داوی پێشهاتێن شه‌ری و پێكدادان ل ئۆكراينا و لێکكه‌فتێن وێ، ره‌وشا ڤێ ده‌ڤه‌رێ ب گشتى، ته‌حه‌دیێن ئه‌ڤرۆ یێن جیهانێ، چه‌ند ته‌وه‌رێن دی یێن وێ كۆمبوونێ بوون.</span></h3> <h3 style="text-align: justify;"></h3>
