جوتیار عادل، پهیڤدارێ حكومهتا ههرێما كوردستانی روونكرنهك لدور چهوانیا بهلاڤكرنا موچهیێ ههرسێ مههێن دهسپێكێ یێن ئهڤ ساله ودا دیاركرن، “ب لێبورینڤه ماوی چهند روژایه، بابهتێن نهراست و گرێدایى لدور داهات و مووچێ مههانه یێ مووچهخورێن ههرێما كوردستانێ و رێژا دابهشكرنا داهاتێ كوردستانێ لسهر پارێزگههێن ههرێمێ دهێته بهلاڤكرن.
دهربارهی پارێن پێدڤی بۆ دابینكرنا موچهی ناڤبری دبێژیت: “ب گشتى مووچێ ههیڤانه پێدڤى ب نێزیكى(616$)ملیۆن دۆلاران ههیه. وب رهنگهكێ كشتى ب ڤى جورى دهێته دابینكرن:
داهاتێ پهترۆلێ(350$ملیۆن دۆلار)
داهاتێ نافخۆ(128$ملیۆن دۆلار)
پارێ بهغدا(138$ملیۆن دۆلار)
ل مهها 1 و 2 ى 2022 بریاربو ئهو رێژا پارهى بهغدا بۆ مووچهى بهنێرێت بهلێ نههنارت، ژبهرهندێ ئهو كێماسی ژ داهاتێ پهترۆلێ هاته پركرن و بڤى رهنگێ خوارێ هنارت.
ل مهها ئێكێ رێژا پێدڤى بۆ پركرنا مووچێ ژ داهاتى بریتى بوو ژ (180$ملیۆن دۆلاران) تاكو بشێت رێژا(488$ملیۆن دۆلاران) دابینكهت بۆ تهمامكرنا موچێ پێدڤى. ئهڤ رێژێ ژداهاتێ مهها 2 پێ هاته پركرن.
ل مهها دوو رێژا پێدڤى بۆ پركرنا مووچێ ژ داهاتى بریتى بوو ژ (256$ ملیۆن دۆلاران) تاكو بشێت رێژا(488$ ملیۆن دۆلارا) دابینكهت بۆ تهمامكرنا موچێ پێدڤى یێ ڤێ ههیڤێ. ئهڤ رێژه ژداهاتێ مهها 3 پێ هاته تژى كرن.
ل مهها سێ بهغدا ئهو پارێ پێدڤی هنارت، لهورا رێژا پێدڤى بۆ پركرنا مووچێ ژ داهاتى تنێ بریتى بوو ژ (28$ ملیۆن دۆلاران) تاكو بشێت ب رێژا(488$ ملیۆن دۆلاران) دابینكهت بۆ تهمامكرنا موچێ پێدڤى، ئهڤ رێژه ژداهاتێ مهها 4 پێ هاته تژى كرن.
ول داویا پهیڤا خۆ عادل چهندین خشته بهلاڤكرن كو ب هویری ئهڤ چهندا سهری دوپات دكهت.
