<h2><span style="font-size: 18pt;">پەرلەمانتارەکێ فڕاکسیۆنا پارتی ل پەرلەمانێ عیراقێ پێشبینی دکەت ل چەند رۆژێن داھاتی پێشنیارێن نوى لدۆر پرۆسا پێکئینانا حوکمەتا عیراقێ ھەبن و دیاركر، ئەگەر پێکئینانا حوکمەتێ زێدەتر پاشکەڤیت خۆنیشاندان دێ ھێنە دەسپێکرن.</span> <span style="font-size: 18pt;">شوان محەمەد، پەرلەمانتارێ پارتی ل پهرلهمانێ عیراقێ بۆ ئاژانسا خانی راگههاند، ھەمى ئەو دەلیڤە و پێشنیارێن ژلایێ موقتەدا سەدر داینە لایەنێن سیاسی بۆ پێکئینانا حوکمەتا نوى یا عیراقێ بەرەڤ دوماھیێ دچن، ژبهركو بەرەیێ رزگاریا نیشتیمانی نەشیا 220 پەرلەمانتاران بەرھەڤ بکەت بۆ دیارکرنا سەرۆککۆماری 40 رۆژ دەلیڤە دانە چوارچوڤا ھەماھەنگیا شیعی ئەوژی نەشیان حوکمەتێ پێکبینن دوماھی پێشنیار دو حەفتی وەك دەلیڤە داینە پەرلەمانتارێن سەربخۆ ئەڤە دەمێ وانژی تەمامبوو ھێشتا پڕۆسا پێکئینانا حوکمەتێ وەك خوه مایە.</span> <span style="font-size: 18pt;">شوان محەمەد گۆتژی: ئەز باوەرم ل چەند رۆژێن داھاتی دێ پێشینار و روویدانێن نوى ھەبن، ژبەرکو جادەیا عیراقی ئیدی رازینابیت بڤی شێوەی حوکمەت نەھێتە پێکئینان، ژبهركو حەفت ھەیڤ دەربازبوون لسەر پرۆسا ھەلبژارتنان و حوکمەتا نوکە نەشێت وەك پێدڤی خزمەتگوزاریان پێشکێشی وەلاتیان بکەت و پێشبینی دھێتەکرن خۆپیشاندان بھێنە دەسپێکرن، عیراقێ ل جڤاکا ناڤدەولەتی پێگەھەکێ ستراتیژی ھەیە ئەز باوەرم دێ دەستوەردانێن ناڤدەولەتی ھەبن بۆ پێکئینانا حوکمەتا عیراقێ.</span></h2>
