عالیه نوسه‌یف پەرلەمانتاره‌كا دەولەتا یاسا،كو به‌نیاسه ب هه‌لویستێن دژى هه‌رێما كوردستانێ راگه‌هاند، ژنوكه وێڤه ئه‌و 200 ملیارێن به‌غدا وه‌ك پێشینه بۆ هه‌ریمێ دێ هێنه برین.
وێ په‌رله‌مانتارێ ئاماژه ب هندێ ژى كر، به‌رى نوكه تا مه‌ها گولانێ دهنارت، ل مه‌ها گولانێ بریاردایه ئه‌و رێژا پاره‌ی بهێته راگرتن، ئه‌وژى ژبه‌ر بجهئینانا بریارا دادگه‌ها فیدرالى كو ده‌ستهه‌لاتا بجهئینانا وه‌زاره‌تا دارایى و وه‌زاره‌تا په‌ترۆلێ دئێخیته لبن به‌رپرسیاره‌تیێ ڤه، ته‌نانه‌ت ئه‌و پارێن به‌رى نوكه هاتینه هنارتن سه‌رپێچیا یاسایى بۆ دبودجه‌یا بووریدا، هه‌روه‌سا سه‌رپێچیا بریارا داگه‌ها فیدرالیه.
تا نوكه حكومه‌تا عیراقێ ب فه‌رمى هه‌رێما كوردستانێ ژ برینا 200ملیارا ئاگه‌هدار نه‌كریه، ئه‌ڤ پێنگاڤه دده‌مه‌كێدایه كو په‌رله‌مان مژوولى ده‌رێخستنا یاسایا ئاسایشا خوارنێ یه، نونه‌رێن كورد ل لیژنا دارایى دبێژن، چ یاسا ریكگێ ب هندێ ناده‌ن هه‌رێما كوردستانێ بێ به‌هركه‌ن ژ داهاتێ گشتى.
دكتور خه‌لیل دوسكى ئه‌ندامێ لیژنا دارایى راگه‌هاند، چ یاسا نینن پارێ هه‌رێما كوردستانێ بهێته برین، دادگه‌ها فیدرالى یا هه‌ى، جڤاتا نونه‌ران هه‌یه، رێككه‌فتنا دناڤبه‌را كوتلا یا هه‌ى، ژبه‌رهندێ نه‌شێن ڤى بابه‌تى جێبه‌جێبكه‌ن، زورا ب زه‌حمه‌ته بشێن هه‌رێمه‌ێما كوردستانێ ژ پتارێ گشتى بێ به‌هر بكه‌ن.
