ب ئه‌گه‌رێ ژێڤه‌كرنا سه‌رێ كوتره‌كێ ب ساخی و وێنه‌كرن و به‌لاڤكرنا وێ د تۆرێن جڤاكى دا، كولیژا موستەقبەل ل پارێزگه‌ها بابل قوتابیه‌كێ خۆه ده‌رێخست.
كولیژا موسته‌قبه‌ل ب فه‌رمانه‌كا كارگێرى بریاردا (عەلی جەواد کازم عمران) كو قوتابییێ پشكا ژمێریارى یه ل وێ كۆلیژێ، ژبه‌ر ئه‌نجامدانا كریارێن دویر ژ بهایێن ره‌وشتى، بهێته ده‌رێخستن.
پشتى به‌لاڤكرنا ڤیدیۆیه‌كا وى قۆتابى د تورێن جڤاكى دا كۆ تێدا ئه‌و ل به‌رامبه‌ر هه‌ڤالێن خۆه ب ده‌ستێن خۆه سه‌رێ كوتره‌كێ ساخ ژ له‌شێ وى جودا دكه‌ت، رووبروو كارڤه‌دانێن مه‌زن یێن خه‌لكى بوو .
سه‌ره‌راى وێ یه‌كێ كۆ وى قوتابى لێبورین خواست و دیاركر ئه‌و كوتره یا نه‌خوشبوو ژبه‌ر هندێ ئه‌ڤ كاره ئه‌نجامدایه، لێ ئیدارا كولیژێ گۆتنێن وى ره‌تكرن و ل خۆاندنا ئه‌ڤساله دویر ئێخست.
