ڕێڤه‌به‌رییا گشتییا پەروەردێ ل ئیدارا سەربەخۆیا زاخۆ دێ هێته‌ ڤه‌کرن

ب فه‌رمانا مه‌سرور بارزانى سه‌روكێ حكومه‌تا هه‌رێما كوردستانێ ، ل هه‌ردوو ئیداره‌یێن سه‌ربخۆیێن زاخۆ و سوران رێڤه‌به‌رییا گشتیا په‌روه‌ردێ دێ هێته‌ ڤه‌كرن

فه‌رمانگه‌ها میدیا و زانیارى یا حكومه‌تا هه‌رێما كوردستانێ راگه‌هاند : د چارچوڤێ گرنگیدان و بۆ به‌رژه‌وه‌ندیا گشتى و ساناهیكرن و ب رێڤه‌برنا كارێن ماموستا و كارمه‌ند و قوتابیان ل سنوورێ هه‌ر دوو ئیداره‌یا سه‌ربخوه‌یا زاخۆ و ئیداره‌یا سه‌ربخویا سوران ب فه‌رمانا سه‌رۆكێ حكومه‌تا هه‌رێما كوردستانێ بریار هاته‌ دان ل سه‌ر ڤه‌كرنا رێڤه‌به‌ریا گشتى یا په‌روه‌ردێ ل سنورێ هه‌ر دوو ئیداره‌یێن سه‌ربخوه‌یێن زاخۆ و سوران .

هه‌روه‌سا دیاركر ژى : ئه‌ڤ بریاره‌ ب مه‌ره‌ما زێده‌تر گرنگى دانه‌ ب كه‌رتێ په‌روه‌ردێ و خزمه‌تكرنا زێده‌تر یا ماموستا و كارمه‌ندێن په‌روه‌ردێ و قوتابیانه