ل رێككهڤتى 26ى گولانا 2022ێ شاندەکێ هەڤپشک یێ ناڤهندا خانی یا رهوشەنبیری و راگەهاندنێ و سەندیکا روژنامەڤانێن کوردستانێ ب مەرەما دروستكرنا پرێن پەیوەندییان و ڤەکرنا خولێن فێرکرنێ و بلندکرنا شیانێن میدیایی یێن کادرێن میدیایی، سەرەدانا باژێرێ دوبەی یێ ئیماراتى کر.
دڤێ سەرەدانێ دا ل بەراهییێ ل روژا 27ى گولانێ مە سەرەدانا قونسلخانا عیراقێ ل دوبەی کر و ژلایێ قونسلێ عیراقێ ئاماد دهوکی ڤه هاتینە پێشوازیکرن و د دانوستاندنەکێ دا بەرهەڤییا خوه بۆ هاریكارى و بجهئینانا ئارمانجێن ڤێ سهرهدانێ دیارکر، هەروەسا ب سوپاسی ڤە هەموو ئاسانکاری بۆ گەهشتن بۆ جهێن مەبەست کرن، هەر ل وێ روژێ مە سەرەدانا کۆمەلا روژنامەڤانێن ئیماراتی کر و ژلایێ سەرۆکێ کۆمەلێ و دەستەیا کارگێر و نڤیسەرا روژناما بەیان محهمهد حهمادیڤه هاتینە پێشوازیکرن، و د روونشتنەکێ دا بهحسێ هەڤکاری و هەماهەنگییێ دناڤبەرا هەردو لایهناندا هاتە کرن، ل رۆژا ٥/٢٨ شاندێ مە سەرەدانا ئەکادیمییا فوکس یا خولێن میدیایی کر و ژلایێ سەروکێ ئەکادیمییێ و ستافێ کارێ وێ عهمار شههاب ڤه هاته پێشوازیكرن، و دکومبونەکێ دا بهحس ل ڤەکرنا خولێن میدیایى یێن جورا و جور هاتەکرن، و ئامادەیا خوه بۆ هەڤکارییێ ل ڤهكرنا ڤان خۆلان ب سێ رێیان نیشادا، ئونلاین، فێرکاران فرێکەن کوردستانێ، فێرخوازا ڤرێکەین دەف وان.
ل رۆژا 29ى گولانێ ئەم ژلایێ قۆنسلێ عیراقێ ئاماد دهوکی ڤە هاتینه پێشوازیكرن، و ل کوچکا وی مە پێشوازییا روژنامەڤانێ بەرنیاسێ عهرهبى د. سهباح ناهى کر.
و ل رۆژا 30ى گولانێ مە سەرەدانا ئێستگەها تێلەفزیونێن ئهلعهرهبیه و ئهلحهدهس کر و ژلایێ مهمدوح ئەلمهێنی و ستافێ کاری ڤە هاتینە پێشوازیکرن و دکومبونەکێ دا باسێ کارو چالاکیێن هەردوو کەنالان و بزاڤا سوشیالێ لدەف وان هاتەکرن، و پاشی بەرهەڤییا خوه بو فێرکرن و بلندکرنا ئاستێ کارکرنا میدیاکارێن مە نیشادا.
دڤان دیداران دا دیاریێن ئاژانسا خانی ل سەر وان لایەنا هاتنە دابەشکرن.
ب هیڤینە ئەنجامێن ڤێ گەشتێ د بەرهەمدار بن.
