سەرۆکێ حکومەتا هەرێما کوردستانێ پێشوازی ل جێگرا وەزیرێ ده‌رڤه و هەماهەنگییا نێڤدەولەتی یا ئیتالیا كر.
ئه‌ڤرۆ شه‌مبییێ 4/6/2022 ێ، مه‌سرور بارزانی سه‌رۆكێ حكومه‌تا هه‌رێما كوردستانێ پێشوازی ل مارێنا سێرێنى، جێگرا وەزیرێ دەرڤه و هەماهەنگییا نێڤدەولەتی یا ئیتالیا كر، د وێ کۆمبوونێ دا ماوریتزۆ گرێگانتی، بالیۆزێ ئیتالیا ل عێراقێ ئامادە ببوو، دانوستاندن دەربارەیی داوی گوهۆرین و پێشكه‌فتنێن عێراقێ و ڤێ ده‌ڤه‌رێ و بزاڤێن پێکئینانا کابینا نوو یا عێراق و گرنگییا پەیوەندیێن هەرێما کوردستانێ و ئیتالیا هاته کرن.
مارێنا سێرێنى، به‌حسێ پەیوەندیێن دۆستانە یێن ناڤبه‌ینا وه‌لاتێ وێ و هەرێما کوردستانێ کر و ئامادەییا وه‌لاتێ خوه بۆ پێشخستنا پەیوەندیێن ل گەل هەرێما کوردستانێ د بیاڤێن گوهۆرینا بازرگانی و ئابووری و وەبەرهێنانێ دا دەربڕین.
هەروەسا گۆت: ب خۆشحالیڤه ئه‌م چاڤەرێی سەره‌دانا سه‌رۆكێ حكومه‌تا هه‌رێما كوردستانێ بۆ ئیتالیا دكه‌ین و کۆمبوون ل گەل سەرۆک وەزیرێن وی وه‌لاتی د ده‌لیڤه‌كێ دا كو بۆ وان یا گونجایی بیت.
هه‌ر د وێ كۆمبوونێ دا سه‌رۆكێ حكومه‌تێ سوپاسی و پشته‌ڤانییا بەردەوام یا ئیتالیا کر بۆ هێزێن پێشمەرگەیی، ب تایبەتی د كڤانێ هه‌ڤپەیمانییا نێڤدەولەتییا ل دژی داعشێ، هەروەسا خواستا هەرێمێ بۆ به‌رفره‌هکرنا هەماهەنگی و هاریکاریێ و پێشخستنا پەیوەندییان ل گەل ئیتالیا د هەموو بیاڤان دا دووپات کر.
