پارێزگه‌ها دهۆكێ شه‌ش بریار ل دۆر بها و کوالێتیا پانزینێ ده‌ركرن

ئه‌ڤرۆ ئێكشه‌مبی” 6/5/ 2022 ێ” پارێزگەها دهۆکێ کۆمبوونەک دەربارەیی بها و کوالێتیا پانزینێ  کر و 6 بریار هاتنە دان.

ئه‌و كۆمبوونه‌ ب سەرپەرشتیا شمعون شلیمون، جێگرێ پارێزگارێ دهۆکێ و ب ئامادەبوونا قائیمقامێ دهۆکێ و رێڤەبەریێن پەیوەندیدار هاتە کرن و ئەڤ شه‌ش بریارێن ل خوارێ هاتنە دان:

1. کاراکرنا لژنا هەڤپشک ژ رێڤەبەریێن پەیوەندیدار بۆ دووڤچوون و پشکنینا کوالێتیا پانزینا 690 دیناری و هەر پانزینخانەیەکا پێگیریێ ب رێنما و سالوخەتێن پانزینێ نەکەت، دێ هێتە سزادان.

2. پشکنینا هەموو کۆگەهـ و جهێن عومبارکرنا پانزینێ ل سنۆرێ پارێزگەها دهۆکێ و کەسێن زێدەگاڤیان دکەن، دێ هێنە سزادان.

3.  دانانا خالەکا پشکنینێ ل زالگەها ئالۆکا بۆ وەرگرتنا نموونێن پانزینێ و پشکنینا وان.

4.  بزاڤ بهێنە کرن پشکا پارێزگەها دهۆکێ ژ پانزینا 690 دیناری بهێتە زێدەکرن و ب دادپەروەرانە ل سەر پانزینخانان بهێتە دابەشکرن.

5.  زێدەکرنا مزەخێن پانزینێ ل وان پانزیخانێن پانزینا 690 دیناری دفرۆشن داکو قەرەبالغ کێم ببیت و بزاڤ بهێنە کرن وەزارەتا سامانێن سرۆشتی رێژا پانزینا دهۆکێ زێدە بکەت ” داکو گازندێن وەلاتیان کێم ببن.

6.  بزاڤ بهێنە کرن ل گەل وەزارەتا سامانێن سرۆشتی کو ژێدەرێن ئینانا پانزینێ بۆ ناڤ پارێزگەها دهۆکێ بهێنە زێدەکرن.