ئەڤرۆ دوشهمبی ل بەغدا دادگەها زانایەکێ جیۆلۆجی یێ بریتانی و نوشدارەکێ دەرۆنی یێ ئەلمانی هاتە کرن و دادگەهێ بریار دا: زانایێ بریتانی یێ ب ناڤێ جێمس ڤیتۆن یێ 66 سالی ب 15 سالێن زیندانێ بهێتە حوکمکرن، ژبەر کو ل 20 هەیڤا ئادارا ئەڤ سالە ل فرۆکخانا بەغدا هاتییە راگرتن و دەمێ پشکنین بۆ چانتێن وی هاتییە کرن، دیار بوویە ب دەهان پارچێن شوونواری یێن بچووک کو پرانییا وان گۆزک بوون، د چانتێن وی دانە و پشتی دادگەها وی هاتییە کرن، دادوەران بریار دایە کو وی نیەتا رەڤاندنا وان هەبوو” ئهو پارچێن چوونواری یێن سهردهمێ شارستانییهتا سۆمهری بووینه.
نوشدارێ دەروونی یێ ئەلمانی یێ ب ناڤێ ڤۆلکار وولدمان یێ 60 سالی ل گەل زانایێ بریتانی هاتبوو گرتن و دو پارچێن شوینواری د چانتا وی ژی دابوون، لێ ل دادگەهێ وی گۆتییە: جێمس ڤیتۆنی گۆتیێ وان پارچان بۆ هەلبگریت و وی نەزانییە پارچێن شوونواری نە و بۆ دووپاتکرنا ئاخفتنا خۆ گۆتیە “من ئەو پارچە کربوونە د زەرفەکێ زەلال دا و د چانتا من دا ژ سەرڤەبوون و ئەگەر من نیەتا رەڤاندنا وان هەبا، دشیام د چانتەی دا ڤەشێرم.
دادگەهێ بریارا بێتاوانیا نۆشدارێ ئەلمانی و حوکمکرنا زانایێ بریتانی دا.
