رێڤەبەرێ گشتی یێ حەج و عومرێ: حەجا بازرگانى د بنیاتدا نینە و پارێن خۆ ب هه‌ده‌ر نه‌ده‌ن

لژنا ئەوقافێ یا پەرلەمانی و رێڤەبەرێ گشتی یێ حەج و عومرێ ل وەزارەتا ئەوقافێ، ده‌ربارەیی حەجا ئەڤ ساله‌ و حەجا بازرگانی کۆمبوون.

د وێ كۆمبوونێ دا: ب ئامادەبوونا نیاز ڕاغب عه‌بدوللا،  رێڤەبەرێ گشتی یێ حەج و عومرێ و عیسامه‌دین یونس، جێگرێ رێڤەبەرێ گشتی یێ حەج و عومرە ل وەزارەتا ئەوقافێ و كاروبارێن ئایینی، به‌حسێ پرۆسا حەجا ئەڤ ساله‌ هاته‌ كرن، رێڤه‌بەرێ گشتی یێ حەج و عومرێ، به‌حسێ پلان و کارنامێن وەزارەتا ئەوقافێ و کاروبارێن ئایینی کر بۆ وەرزێ حەجا ئەڤ ساله‌، هه‌روه‌سا دووپاتی ل سه‌ر پاراستنا مافێن حه‌جی یێن ھەرێما کوردستانێ کر‌، د كڤانێ بڕیارێن وەزارەتا حەج و عومرێ یێن سعوودی.

رێڤەبەرێ گشتی یێ حەج و عومرێ دیار كر ژی: “ئەڤ ساله‌ لدووڤ مەرج و ڕێنمایێن وه‌لاتێ سعوودی، پرۆسا حەجێ ب شێوەكێ تایبەت و ب ڕێژەكا كێمتر ژ سالێن بوری دێ هیته‌ كرن.

رێڤەبەرێ گشتی یێ حەج و عومرێ رۆناهی خستە سەر حەجا بازرگانى، کو د بنه‌ره‌تدا نینە و داخواز ژ وه‌لاتییان كر، کو ب وی ناڤی پارێن خۆ ب هەدەر نەدەن.