ئهڤرۆ چارشهمبى ههشتى خزیرانا 2022ێ، سهرۆكێ ههرێما كوردستانێ نێچیرڤان بارزانى پێشوازى ل شاندهكێ پهرلهمانێ ئهلمانیا كر، كو ژ ههردوو پهرلهمانتاران قاسم تاهر و ماكس لوكس و هاریكارێن وان و كونسلێ گشتى یێ ئهلمانیا ل ههرێما كوردستانێ ب وهكالهت پێكهاتبوو.
د دیدارهكێ دا، پهیوهندییێن ههرێما كوردستانێ و ئهلمانیا و رهوشا نافخو یا ههرێما كوردستانێ و پهیوهندییێن ههولێر و بهغدا، ژینگههـ و كاریگهرییێن گهورینا كهش و ههواى ل سهر عیراق و ههرێما كوردستانێ ههروهسا مافێ مروڤى و یهكسانى و گهنجان و ئازادییا رادهربرینێ هاتنه گوتوبێژكرن.
سهرۆك نێچیرڤان بارزانى دووپاتى ل وێ چهندێ كر كو سهربارى كێم و كورییان وتێبینییێن دهربارهى ئازادی و پاراستنا مافێن ئافرهتێ و یهكسانییێ ههین، ههرێما كوردستانێ ل سهر رێكا درووست دچیت و دێ پاشهرۆژهكا باشتر ههبیت، و پێشوازییا ههر تێبینى و هاریكارییهكا ههڤالینى یا كۆمهلگهها نێڤدهولهتى دكهت.
ژلایێ خۆڤه شاندێ مێڤان دووپاتكر، ئهلمانیا دوستایهتی و پێگههێ ههرێما كوردستانێ بلند دنرخینیت و دێ ههڤپشكێن گرنگ بن، ههروهسا ئاماژه دا گرنگییا كۆلتۆر و پێكڤهژیان و گیانێ لێبوورینێ دناڤ پێكهاتهییێن ههرێما كوردستانێ دا و ب سیمایهكێ جوان ل قهلهم دان.
