مه‌سرور بارزانى سه‌ره‌دانا وه‌زاره‌تا ئاڤه‌دانكرنێ و ئاكنجیبوونێ كر

د كڤانێ سه‌ره‌دانا وه‌زاره‌تان و دووڤچوون بۆ چاره‌سه‌ركرنا كێشه‌ و گرفتان و خزمه‌تكرنا زێده‌تر یا وه‌لاتییان مه‌سرور بارزانى سه‌رۆكێ حكومه‌تا هه‌رێما كوردستانێ سه‌ره‌دانا وه‌زاره‌تا ئاڤه‌دانكرن و ئاكنجیبوونێ كر و ژلایێ دانا عه‌بدلكه‌ریم وه‌زیرێ ئاڤه‌دانكرن و ئاكنجیبوونێ پێشوازی لێ هاته‌ كرن.

سه‌روكێ حكومه‌تا هه‌رێما كوردستانێ د ده‌مێن بورى دا سه‌ره‌دانا هه‌ر ئێك ژ وه‌زاره‌تا ناڤخۆ و باژێرڤانییێ كرییه‌ و ژنێزیك  ڤه‌كۆلینا ره‌وشا كاروبارێن وه‌زاره‌تان و برێڤه‌برنا مامه‌لێن وه‌لاتیان كرییه‌.