مستەفا کازمى، سەرۆکوەزیرێن عێراقێ” وەزیرێ پەروەردێ یێ حکومەتا خۆ و هژمارەكا بەرپرسێن دیتر یێن وی وەزارەتێ دوورخستن، ب ئه‌گه‌رێ دۆسه‌یا دزینا پرسیارێن ئه‌زموونا وانا بیرکاریێ یا پۆلا سییێ ناڤنجى.
لدووڤ نڤیسینەکا نهێنی و ب لەز کو ئۆفیسا سەرۆکوەزیرێن عیراقێ ل رۆژا 8ی خزیرانا 2022 ێ بۆ وەزارەتا پەروەردێ هنارتییە، مستەفا کازمی ژ بەر دزینا پرسیارێن پۆلا نه‌هێ ناڤنجی سزایێ پاشڤەبرنێ بۆ عەلی دلێمی، وەزیرێ پەروەردێ دەرکرییە و ئه‌ندامێن لژنێ ژی سزاداینه.
هەروەسا دیار كرییه، هەر ئێک ژ سەرۆک و ئەندامێن لژنا ئەزموونان، قاسم عگێلى رێڤەبەرێ پەروەردا دو یا رەسافە ژ کار هاتینە دوورخستن و ڤه‌کۆلین دێ ل گەل هێته کرن.
ل رۆژا 2ی خزیرانا 2022 ێ” وەزارتا پەروەردێ یا حكومه‌تا عیراقێ ئەزموونێن پۆلا نه‌هێ ناڤنجی یێن بیرکاریێ پاشخستن ژ بەرکو پرسیارێن وان هاتبوونە دزین.
