ل پارێزگەھا دھۆکێ 2 هزار 238 كه‌سان ناڤێن خۆ بۆ شوقان تۆمار کرینە

ئاژانسا خانی ، تایبەت:

بەرپرسەکێ دەستەیا وەبەرئینانێ ئاشکرا کر: د دەمێ دو رۆژێن بۆری دا نێزیکی ٣٠ ھزار کەسان ناڤێن خۆ بۆ وەرگرتنا شوقەیان تۆمار کرینە و گۆت ژی، ب تنێ ل پارێزگەھا دھۆکێ 2 هزار 238 كه‌سان ناڤێن خۆ تۆمار کرینە.

ھێمن ھەینی، بەرپرسێ راگەھاندنا دەستەیا وەبەرئینانێ بۆ ئاژانسا خانی دیار کر:” د دەمێ دو رۆژێن بوری دا نێزیکی ٣٠ ھزار کەسان ناڤێن خۆ تۆمار کرینە بۆ وەرگرتنا شوقێن حوکمەتێ و ژ ڤێ ھژمارێ زۆرترین خەلکی ل پارێزگەھا ھەولێرێ ناڤێن خۆ تۆمار کرینە و لدووڤدا پارێزگەھا سلێمانییێ.

ھێمن ھەینی گۆت ژی” پرۆسا تۆمارکرنا ناڤێن وەلاتیان بۆ وەرگرتنا ٢٠ ھزار شوقێن کرێداران دێ بەردەوامبیت ھەتا ٢ی ھەیڤا داھاتی و پشتی پرۆسە ب دووماھی دھێت دێ دەست ب ڤاڤارتنا ناڤێن تۆمارکری ھێتە کرن و یێن گورەی بڕیارا حوکمەتێ مەرج تێدا ھەبن دێ پشک کێشان بۆھێتە کرن.