سەرۆکا فراکسیۆنا پارتی دیموكراتی كوردستان ل پەرلەمانێ عیراقێ ئاشکرا کر، پارتی دەرگەھێ دانوستاندنان ڤەکری ھێلایە و دبێژیت، زەحمەتە بێی پارتی و کۆتلا سیادە حوکمەتا نوو یا عیراقێ بھێتە پێکئینان.
د. ڤیان سەبری، زێده‌تر بۆ ئاژانسا خانی دیار کر” پارتی دانوستان ل گەل چ لایەنەکی رەتنەکرینە و بەردەوام خواستییە ل گەل ھەموو لایەنێن سیاسی لێک تێگەھشتن ھەبیت و بگەھنە رێکكەفتنێ بۆ چارەسەرکرنا رەوشا نوکە یا عێراقێ، هه‌روه‌سا نوکە ژی پارتی دانوستاندنان دگەل لایەنێن سیاسی رەتناکەت و یا بەرھەڤە بۆ ھەر دانوستانەکێ.
ناڤهاتییێ گۆت ژی” دەرگەھێ پارتی یێ ڤەکرییە بۆ دەسپێکرنا دانوستاندنان و یا خویایه بێی پارتی و کۆتلا سیادە حوکمەتا نوو یا عێراقێ ناھێتە پێکئینان، ژبەرکو پارتی و عەرەبێن سونە زۆرینەیا کورد و سونەیان پێکھاتینە و زەحمەتە بێی وێ زۆرینەیا ھەردو پێک ھاتێن عێراقێ حوکمەت بھێتە پێکئینان.
