په‌رله‌مانتاره‌ك: برینا 200 ملیار دیناران ژ لایێ بەغداڤه‌ بەرۆڤاژی قانوونێیە

ئاژانسا خانی ” تایبەت:

 پەرلەمانتارێ بەرێ یێ پارتی ل په‌رله‌مانێ عیراقێ ئاشکرا کر، برینا ٢٠٠ ملیار دینارێن مووچێ فەرمانبەرێن ھەرێما کوردستانێ ژلایێ بەغداڤە نە قانوونیە و گۆت، پێدڤییە ٢٠٠ ملیارێن فەرمانبەران تێکەلی پرسێن سیاسی و پەترۆلێ نەھێنە کرن.

دانا شەھید جەزا، زێده‌تر بۆ ئاژانسا خانی دیارکر” بڕینا ٢٠٠ ملیارێن دینارێن ھەرێما کوردستانێ ژلایێ بەغداڤە بەرۆڤاژی قانوونێیە، ژبەرکو لدووڤ قانوونێ ئەو ٢٠٠ ملیار دینار بۆ تەمامکرنا مووچێ فەرمانبەرێن ھەرێما کوردستانێ دھێتە ھنارتن و داخویانیێن وەزیرێ دارایی یێ عێراقێ بەرۆڤاژی قانوونێیە.

ناڤهاتی گۆت ژی” ھنارتنا ٢٠٠ ملیار دیناران ب تنێ بۆ مووچێ فەرمانبەرێن ھەرێما کوردستانێ یە و پەیوەندی ب پرسا پەتڕۆلێ ڤە نینە، چونکی پێدڤییه‌ بادەکا پەتڕۆل و غازێ ب دانوستاندنێن دناڤبەرا ھەردو حوکمەتێن ھەرێم و فیدڕالی لدووڤ ده‌ستووری بھێنە چارەسەر کرن، نابیت ھنارتنا ٢٠٠ ملیار دینارێن مووچەیی تێکەلی بابەتێن سیاسی و پەترۆلێ بھێتە کرن.