د.شاكر عه‌بدولرحمان, ڕێڤهبهرێ ساخله‌مییا ئیدارا سهربهخۆیا زاخۆ راگه‌هاند: ئیدارا سه‌ربخۆیا زاخۆ چه‌ند بڕیار بۆ پاراستنا ڕه‌وشا ساخله‌مییا وه‌لاتییان ژ نه‌خۆشییا كۆلێڕایێ داینه، د نوكه‌دا ده‌ست ب ژناڤبرنا وان هه‌مى بیستان و كه‌سكاتییێن ب ئاڤا پیس دهێنه ئاڤدان كریه.
هه‌روه‌سا جهه‌كێ تایبه‌ت بۆ پێشوازیكرن و وه‌رگرتنا چاره‌سه‌رییا نه‌خوشان دیار كریه و ب هویربینى چاڤدێرییا جهێن گشتى وه‌ك خارنگه‌هان دێ هێته‌كرن, هه‌ر جهه‌كێ پاقژ نه‌بیت دێ هێته سزادان .
ڕێڤهبهرێ ساخله‌مییا ئیدارا سهربهخۆیا زاخۆ ئاشكرا ژى كر: تا نوكه چ حاله‌تێن تووشبوون ب نه‌خۆشییا كۆلێڕایێ نه‌هاتینه تۆماركرن, رۆژانه پشكنین و دووڤچوون دهێته‌كرن بۆ پشتراست بوون ژ نه‌بوونا حاله‌تێن ئه‌وێ نه‌خۆشیێ.
دیسان ناڤبری دیاركر: هه‌مى جۆرێـن ده‌رمان و پێدڤیێن چاره‌سه‌رییا د به‌رده‌ست و ئاماده‌نه و ب سه‌ر هه‌مى بنگه‌هێن ساخله‌مییێدا هاتینه دابه‌شكرن، داخاز ژ وه‌لاتیان دكه‌ت رێنمایێت ساخله‌مییێ بجهبینن و هه‌ر كه‌سه‌كێ نیشانه‌كا نه‌خۆشیێ لده‌ف ده‌ركه‌ڤیت ب زیترین ده‌م سه‌ره‌دانا نه‌خۆشخانێ بكه‌ت.
