بەرپرسەکێ دەستەیا وەبەرهێنانێ ئاشکرا کر: ب فەرمانا سەرۆکێ حوکمەتا ھەرێما کوردستانێ شوقێن کرێداران دێ ب کوالێتیەکا باش ھێنە ئاڤاکرن.
د. ھەڤال سه‌دیق، رێڤەبەرێ مۆھلەتدانێ ل دەستەیا وەبەرئینانێ بۆ ئاژانسا خانی دیار کر” سەرۆکێ حوکمەتا ھەرێما کوردستانێ بڕیاردایە ئه‌و شوقێن بۆ خەلکێ کێم دەرامەت و کرێدار دھێنە ئاڤاکرن ب کوالێتیەکا باش بیت، ژلایێ وەبەرھێنەرێن باش شوقێن کرێداران بھێنە ئاڤاکرن و ب شێوەیەکێ عادیلانە بھێنە بەلاڤکرن ل سەر خەلکێ ھەژار و واستە تێدا نەبن.
ناڤهاتی گۆت ژی” حوکمەت کار دکەت بۆ تەمامکرنا پڕۆژێن کەڤن، ژبەر کاودانێن سالێن بوری چەندین پڕۆژێن وەبەرئینانێ ب نیڤەرۆ مابوون کار دھێتە کرن بۆ چارەسەرکرنا ئاریشێن وان پڕۆژان و چەندین ژ وان ھاتینە چارەسەر کرن، پڕۆژێ ھێژا ستی و ئارام ستی ل دھۆکێ ھاتینە چارەسەر کرن و پڕۆژە داینە وەبەرھێنەرەکێ دی، ھەروەسا چەندین پڕۆژێن دی ژی ماینە و دێ ھێنە چارەسەر کرن.
