کێشا کێم ئاڤییێ ل قەزا باتیفا دێ هێته‌ چارەسەر کرن

ئاژانسا خانی ، تایبه‌ت:

ب رێیا پرۆژەكێ ستراتیژی کێشا كێم ئاڤییێ ل سنوورێ قەزا باتیفا ل ئیدارا سه‌ربه‌خۆیا زاخۆ دێ هێته‌ چارەسەر کرن.

فەرھاد مەحموود، قایمقامێ قەزا باتیفا، بۆ ئاژانسا خانی دیار كر: “کێشا کێم ئاڤییێ ل قەزا باتیفا ٨٠% هاتییه‌ چارەسەر کرن، ئه‌و پڕۆژە ل ژێر جێبەجێکرنێ دایه‌ و ئاڤا ڤه‌خوارنێ ل رووبارێ خابیری دێ گه‌هیننه‌ قەزا باتیفا ب رێیا گوندێ گوڤکێ ئاڤ دێ ھێته‌ راكێشان بۆ خەزانێن باتیفا و دێ ل سه‌ر وه‌لاتییان هێته‌ دابه‌ش كرن.

ناڤهاتی گوت ژی: “پڕۆژێ ئاڤا باتیفا ٨٠%ی تەمام بوویە و كوژمێ شەش ملیار دیناران بۆ هاتینه‌ خه‌رجكرن و د ده‌مه‌كێ نێزیکدا دێ تەمام بیت.

فەرھاد مەحموودی گۆت ژی: دێ دەست ب گوهۆرینا بۆرییا ڤه‌گۆهاستنا ئاڤێ بۆ ناڤا تاخێن وێ قەزایێ هێته‌ كرن و ھەموو بۆڕی یێن كه‌ڤن دێ هێنه‌ گوهۆرین.