وه‌زاره‌تا ده‌رڤه‌ یا ئه‌مریكا ئیدانه‌یا هێرشا مووشه‌كى یا كێلگه‌ها كۆرمۆر كر

وه‌زاره‌تا ده‌رڤه‌ یا ئه‌مریكا هێرشا مووشه‌كى ئه‌وا ل سه‌ر كێلگه‌ها گازا كۆرمۆر هاتییه‌ كرن شه‌رمزاركر و دیاركر، كو دڤێت ڤه‌كۆلین ل دۆر ئه‌ڤێ هێرشێ بهێنه‌ كرن و تۆمه‌تبار بهێنه ‌دادگه‌هكرن.

په‌یڤدارێ وه‌زاره‌تا ده‌رڤه‌ یا ئه‌مریكا نێد پرایسى دراگه‌هاندنه‌كێ دا ئاشكراكر، ئه‌مریكا دێ دگه‌ل هه‌ڤپشكا خوه‌ بیت و هه‌موو هێرشێن مووشه‌كى یێن ل سه‌ر هه‌رێما كوردستانێ ژ وان یێن چوار رۆژێن بوورى ل سه‌ر ژێرخانه‌یا نه‌فت و گازێ ل پارێزگه‌ها سلێمانییێ هاتینه‌ كرن شه‌رمزاردكه‌ت،

و زێده‌تر گوت: مه‌ره‌م ژ ئه‌ڤان هێرشان تێكدانا سه‌قامگیرییا ئابووری و سه‌روه‌رییا عیراقێ یه‌، و ئه‌و دێ ل سه‌ر دیتنا ده‌رفه‌تێن گونجاى بۆ پشته‌ڤانى و پێشخستنا عیراقێ دبه‌رده‌وام بن.