ئهڤرۆ باندهكێ بازرگانیكرن ب مرۆڤان هاته دهستهسهركرن.
باندهكێ بازگانیكرنێ ب مرۆڤان ل كهركوكێ هاته دهستهسهركرن و پهیڤدارێ پولیسسێن پارێزگهها كهركوكێ راگههاند،هێزێن ئهمنى یێن كهركوكێ ب سهرپهرشتیا فهرماندێ پولیسێن باژێرى، ل ئوتیلهكێ شیان سێ كهسان ب تاوانا بازگانیكرن ب مرۆڤان دهستهسهربكهن.
عامر نووری شوانی پهیڤدارێ پولیسسێن پارێزگهها كهركوكێ ئاماژه ب هندێ كر، ئهو سێ كهسه ل دهمێ شلوڤاكرنا نوژدارى بۆ كهسهكێ بهمهرهما فروتنا گولجیسكهكا وی هاتنه دهستهسهركن، لدوڤ مادێ 5 ژ یاسایا نههێلانا بازرگانیكرن ب مرۆڤان هاتینه گرتن.
د ههماندهمدا پهیڤدارێ پولیسێن كوركوكێ دیار ژى كر، ئهگهر هندهك كهس ههبن ب رازیبوونا خوه گولچیسكا خوه بدهنه كهسێن دى، حالهتهكێ ئاساییه، بهلێ ئهوكهسێن پێدڤیه گولچیسكهكێ بو بدانن و دهست ناكهڤیت، لهورا پهنایێ دبهنه ڤان چوره كریارا ونچار دبن كار دگهل هندهك كهسێن وهك ڤان تاوانباران،
سهبارهت چهوانیا فروتنا ئهڤان كولجیسكان ناڤبری دیاركر كو ئهو بازرگان دێ بێژن ئهم دێ گولچیسكهكێ ب 40 ملیۆن دیناران پهیداكهین، و ئهو دێ چنه بهغدا و باژێرێن باشوورێ عیراق و هندهك كهسان پهیدا كهن، كو ژ لایێ مادیڤه ههژارن و دێ ئینن بازرگانیێ ب گولچیسكا وى كهن، و 40 ملیۆنان دێ ل نهخوشى وهرگرن و ئهو كهسێ گولچیسكێ ژێ وهردگرن دێ 10 ملیۆن دیناران دهنێ، ب ڤى رهنگى سیهـ ملیۆن دیناران بخۆ قازانج دكهن” و ئهڤ چهنده دبیته بازرگانیكرن ب مرۆڤان.
