مەسرور بارزانی، سەرۆکێ حکومەتا هەرێما کوردستانێ و سەرۆکێ جڤاتا هەرێمێ بۆ کار و بارێن نەفت و گازێ، سەرپەرشتییا کۆمبوونا جڤاتا هەرێمێ بۆ کا و بارێن نەفت و گازێ کر کو کۆمبوونا ئێکێ یا جڤاتێ یە پشتی هەموار کرنا یاسا نەفت و گازێ.
د کۆمبوونێ دا کو قوباد تالەبانی، جێگرێ سەرۆکێ حکومەتێ و جێگرێ سەرۆکێ ئەنجومەنێ هەرێمێ بۆ کار بارێن نەفت و گازێ ئامادەبوو، گوتوبێژ دەربارەی داهات و مەزاختییێن نەفتێ بۆ شەش مەهێن ئێکێ یێن سالا 2022 کرن.
د بڕگا ئێکێ یا کۆمبوونێ دا، داهاتێ گشتیی ب دەستڤە هاتی ژ هنارتنا و فروتنا نەفتێ بەرچاڤکرن کۆ پێکهاتبوو ژ سەرجەمێ نەفتا بەرهەمهاتی و هاتییە هنارتن و دناڤخۆ دا هاتیە بکارئینان و سەرجەمێ بهایێ ئیک بەرمیلێ نەفتا هاتیە فرۆتن د وی ڤی دەمیدا.
پاشی چاوانییا مەزاختنا داهاتێ ب دەستڤە هگاتی د ڤی دەمی دا بەرچاڤکر کو بۆ دابینکرنا مووچێ شەش مەهێن ئێکێ یێن ئەڤ ساە هەاتییە مەزاختن، حکومەتا هەرێمێ ژ داهاتێ نەفتێ پارەیێ پێدڤی بۆ دابینکرنا مووچێ تمام یێ شەش مەهێن سالا 2022 دابین کریە، د دەمەکی دا پێدڤی بو حکومەتا فیدڕال بۆ شەش مەهێن سالا 2022، ترلیونەک و 200 ملیارا بهنێریت بەلێ بتنێ دوو مەهان د وی دەمی دا کوژمەکێ پارەی هنارتییە کو بتنێ 400 ملیار دینارن، بەلێ حکومەتێ مووچێ هەمی مەهان ژ داهاتێن نەفتێ و ناڤخۆ یێ هەرێمی دابین کریە و هەمی مەهان مووچە دابەشکریە.
پاشی مەزاختییێن دی یێن حکومەتێ گوتوبێژ کرن، ژبلی مەزاختییێن مووچەی کو ژ داهاتێ نەفتێ هاتینە دابینکرن د شەش مەهێن ئێکێ یێن سالا 2022 دا، وەسا بڕیارا د حەفتییا بهێت دا ڕاپۆرتا هویربینییا دیلۆیت لسەر ڤان ئامار و زانیاریی و ژماران بۆ ڕایا گشتی بەرچاڤبکەت، د کۆمبوونێ دا دوپاتی ل سەر پێشڤەبرنا شەفافیەتێ د ڤی بواری دا و هەرێمێ سەرجەم زانیاریی و ژمارە یێن خۆ بۆ حکومەتا فیدڕال و رایا گشتیی یا هەرێم و ئیراقێ و دەرڤە ژی بەرچاڤکرینە و دێ بەردەوام بیت و د دوماهی ڕاپۆرتا تیما هەڤپشک یا چاڤدێرییا دارایی یا هەرێمی و بەغدا دا یا تایبەت ب ب هویربینییا داهات و مەزاختی و قەر و میلاکێ وەزیفی ل هەرێمێ بەلگەیێن ڤێ راستییێ نە.
برگا دووێ یا کۆمبوونێ، پێکهاتبوو ژ بەرچاڤکرنا دوماهی پێشهاتێن پەیوەندییان دناڤبەرا حکومەتا هەرێما کوردستانێ و حکومەتا فیدڕال، تایبەت ب ناکوکییێن نەفت و گازێ و ئامادەکارییێن سیاسی یێن حکومەتا هەرەێمێ ب پشتگرێدان ب دەستووری بۆ بەرهەنگاربوونا گڤاشتنێن حکومەتا فیدڕال و وەزارەتا نەفتا فیدڕال.
د کژۆمبوونێ دا دوپاتی ل چارەسەرکرنا ئارێسان لسەر بنەمایێ دەستووری هاتە کرن، و تەکەز کر، کو شاندێ دانوستاندکار یێ هەرێمێ ئامادەیە سەرەدانا بەغدا بکەت بۆ گوتوبێژکرنێ لسەر ئاریشەیان.
