رێڤه‌به‌رێ ژمێریارییا زانكۆیا دهوك راگه‌هاند، بڕیاره ل رۆژا ئێكشه‌مب یان دوشه‌مبییا بهێت ده‌رماله‌یێن قۆتابییان یێن هه‌یڤا سێ بهێنه دابه‌شكرن.
مه‌ڕوان فندى، رێڤه‌به‌رێ ژمێریارییا زانكۆیا دهوك، تایبه‌ت بو ئاژانسا خانى راگه‌هاند: گه‌نجینه‌یا دهوكێ چه‌كه‌كێ بانكى یێ 871 ملیونى بۆ ده‌رماله‌یێن 16 هزار و 217 قۆتابییان یێن هه‌یڤا سێ دایه ده‌ستێ وان، و بڕیاره ل حه‌فتییا بهێت ب سه‌ر قوتابییان دا بهێنه دابه‌شكرن، و هه‌ر قۆتابییه‌ك دشێت ل زانكۆ یا خوه ده‌رماله‌یان وه‌ربگریت.
گوت ژى: دووپاتدكه‌ین مافێ قۆتابى ناهێته سوتن و ل حه‌فتییا بهێت دێ ده‌رماله‌یێ هه‌یڤا سێ هێته دابه‌شكرن و دێ ل هیڤییا چه‌كێ گه‌نجینه‌یا دهوك بۆ دابه‌شكرنا ده‌رماله‌یا هه‌یڤا چار مینن، ژبه‌ركو قۆتابى ماف یێ هه‌ى تا 30-6 ده‌رماله‌یان وه‌ربگریت، ئاشكرا ژى كر ئه‌ڤ چه‌كه دێ بۆ هه‌می قوتابیێن زانكۆیێن دهوك و ئاكرێ و ئامێدى و كه‌مپا سێمێلێ بن.
